വിഴിഞ്ഞം അപകടം: മരിച്ച അനന്തുവിന്റെ കുടുംബത്തിന് അദാനി ഗ്രൂപ്പ് ഒരു കോടി രൂപ നൽകി

തിരുവനന്തപുരം: വിഴിഞ്ഞം അന്താരാഷ്ട്ര തുറമുഖ നിർമ്മാണത്തിനായി കല്ലുമായി പോയ ലോറിയിൽ നിന്നും പാറക്കഷ്ണം

തെറിച്ചുവീണ് ദാരുണമായി കൊല്ലപ്പെട്ട അനന്തുവിന്റെ കുടുംബത്തിന് ഒടുവിൽ നീതിയുടെ കൈത്താങ്ങ്.

ബി.ഡി.എസ് വിദ്യാർത്ഥിയായിരുന്ന അനന്തുവിന്റെ കുടുംബത്തിന് അദാനി പോർട്ട്‌സ് ഒരു കോടി രൂപ നഷ്ടപരിഹാരമായി കൈമാറി.

മനുഷ്യാവകാശ കമ്മീഷന്റെ ശക്തമായ ഇടപെടലിനെത്തുടർന്നാണ് നടപടി.

ആ അശനിപാതം പോലെ വന്ന കല്ല് കവർന്നത് ഒരു നാടിന്റെ പ്രിയപ്പെട്ടവനെ; മുക്കോലയിൽ നടന്നത് കേരളത്തെ നടുക്കിയ വൻ ദുരന്തം

2024 മാർച്ച് 19-ന് വിഴിഞ്ഞം – ബാലരാമപുരം റോഡിൽ മുക്കോല പെട്രോൾ പമ്പിന് സമീപമായിരുന്നു ആ ദാരുണ സംഭവം.

തുറമുഖത്തേക്ക് കല്ലുമായി പോയ ലോറി റോഡിലെ കുഴിയിൽ വീണപ്പോൾ, ലോറിയിൽ നിന്നും തെറിച്ചുപോയ കൂറ്റൻ പാറക്കല്ല് ബൈക്കിൽ വരികയായിരുന്ന അനന്തുവിന്റെ ശരീരത്തിലേക്കാണ് പതിച്ചത്.

പഠിച്ചു മിടുക്കനായ, ഡോക്ടറാകാൻ മോഹിച്ച ആ യുവാവ് സംഭവസ്ഥലത്ത് വെച്ച് തന്നെ മരണത്തിന് കീഴടങ്ങി. സുരക്ഷാ മാനദണ്ഡങ്ങൾ പാലിക്കാതെ കല്ലുകൾ കൊണ്ടുപോകുന്നതിനെതിരെ അന്ന് വലിയ ജനരോഷമാണ് ഉയർന്നത്.

മാനേജറുടെ പരസ്യ അധിക്ഷേപം സഹിക്കാനാവാതെ രാജിവെച്ചു; സോഷ്യൽ മീഡിയയിൽ അനുഭവം വൈറൽ

മനുഷ്യാവകാശ കമ്മീഷന്റെ നിർണ്ണായകമായ ഇടപെടൽ; നഷ്ടപരിഹാരത്തിനായി ജില്ലാ കളക്ടർക്ക് നൽകിയത് കർശന നിർദ്ദേശം

സംഭവം പത്രവാർത്തകളിലൂടെ അറിഞ്ഞ സംസ്ഥാന മനുഷ്യാവകാശ കമ്മീഷൻ ചെയർപേഴ്‌സൺ ജസ്റ്റിസ് അലക്‌സാണ്ടർ തോമസ് സ്വമേധയാ കേസെടുക്കുകയായിരുന്നു.

കുടുംബത്തിന്റെ ഏക അത്താണിയായിരുന്നു അനന്തുവെന്നും, ആ കുടുംബം വലിയ കടബാധ്യതയിലാണെന്നും കമ്മീഷൻ നിരീക്ഷിച്ചു.

നഷ്ടപരിഹാരം നൽകുന്നതിലെ വിശദാംശങ്ങൾ അടിയന്തരമായി സമർപ്പിക്കാൻ ജില്ലാ കളക്ടർക്ക് കമ്മീഷൻ നിർദ്ദേശം നൽകിയതോടെയാണ് അദാനി ഗ്രൂപ്പ് തുക കൈമാറാൻ തയ്യാറായത്.

അദാനി ഗ്രൂപ്പിന്റെ ഒരു കോടിക്ക് പുറമെ സഹോദരിക്ക് സർക്കാർ ജോലിയും; കുടുംബത്തിന്റെ കണ്ണീരൊപ്പാൻ വിപുലമായ നടപടികൾ

അദാനി ഗ്രൂപ്പ് നൽകിയ കോടികൾക്ക് പുറമെ അനന്തുവിന്റെ കുടുംബത്തിന് കൂടുതൽ സഹായങ്ങൾ സർക്കാർ നൽകുമെന്നും ഉറപ്പായിട്ടുണ്ട്.

അനന്തുവിന്റെ സഹോദരിക്ക് സർക്കാർ ജോലി നൽകുന്നതിനും, മുഖ്യമന്ത്രിയുടെ ദുരിതാശ്വാസ നിധിയിൽ (CMDRF) നിന്നും

പരമാവധി ധനസഹായം ലഭ്യമാക്കുന്നതിനുമായി സർക്കാർ തലത്തിൽ ശുപാർശ നൽകിയിട്ടുണ്ടെന്ന് ജില്ലാ കളക്ടർ മനുഷ്യാവകാശ കമ്മീഷനെ അറിയിച്ചു.

ഇതോടെ കമ്മീഷൻ കേസ് നടപടികൾ ഔദ്യോഗികമായി അവസാനിപ്പിച്ചു.

English Summary

Adani Ports has officially transferred ₹1 crore as compensation to the family of Ananthu, a BDS student who died in a freak accident when a boulder fell from a port-bound truck on March 19, 2024. Following the suo motu case registered by the State Human Rights Commission, District Collector Manu confirmed the payment. Further, recommendations have been sent to the government to provide a government job for Ananthu’s sister and additional financial support from the CM’s Relief Fund.