ഇടറോഡുകളിലും റഡാർ ; ദുബൈയിൽ ഇനി ട്രാഫിക് നിയമ ലംഘനങ്ങൾക്ക് വലിയ വില കൊടുക്കേണ്ടി വരും.(Violations of traffic rules in Dubai will have to pay a heavy fine)
പ്രധാന പാതകൾക്ക് പുറമെ ഇട റോഡുകളിലും ഗാർഹിക മേഖലയിലും ട്രാഫിക് നിരീക്ഷണ റഡാർ സ്ഥാപിക്കാനുറച്ച് ദുബൈ ഭരണകൂടം.
പാർപ്പിട മേഖലയിലെ വ്യാപകമായ ട്രാഫിക് നിയമലംഘകരെ കുരുക്കാനാണ് ദുബൈ പോലീസ് നിരീക്ഷണ സംവിധാനം ശക്തമാക്കുന്നത്.
റഡാറിൽ അമിതവേഗം മാത്രമല്ല , ഫോൺ ഉപയോഗം , സീറ്റ് ബെൽറ്റ് എന്നിവയും പതിയും. റഡാറുകൾ എവിടെയാണ് സ്ഥാപിക്കുകയെന്ന കാര്യം പോലീസ് വെളിപ്പെടുത്തില്ല.
സൈലന്റ് റഡാറുകളുടെ ഗണത്തിൽ പെടുത്തി നിയമ ലംഘനം മറഞ്ഞിരുന്ന് കണ്ടുപിടിക്കുകയാണ് ലക്ഷ്യം. ഇനി ഇടറോഡുകളിൽ നിയമം ലംഘിക്കുന്നവർക്ക് ബ്ലാക്ക് പോയിന്റും കനത്ത പിഴയും അടക്കേണ്ടി വരും.
