നഷ്ടപ്പെട്ടെന്ന് കരുതിയത് തിരികെ കിട്ടി; മൂന്നാർ യാത്രയ്ക്കിടെ പേഴ്സ് നഷ്ടപ്പെട്ട ഭവാനിക്ക് രക്ഷകരായി മോഹനനും ബാബുവും
ഇടുക്കി: വിനോദയാത്രയ്ക്കിടെ നഷ്ടപ്പെട്ട പണമടങ്ങിയ പേഴ്സും മൊബൈൽ ഫോണും ഉടമയ്ക്ക് തിരികെ ലഭിച്ച സംഭവം ശ്രദ്ധേയമായി. വണ്ടൻമേട് സ്വദേശികളായ മോഹനനും ബാബു തോമസും കാട്ടിയ സത്യസന്ധതയാണ് ഇതിനുപിന്നിൽ.
ചെന്നൈയിൽ നിന്ന് മൂന്നാറിലേക്കുള്ള യാത്ര കഴിഞ്ഞ് മടങ്ങുന്നതിനിടെ ഭവാനി എന്ന സ്ത്രീയുടെ പേഴ്സ് ആമയാറിലെ ഒരു കടയിൽ വെച്ച് നഷ്ടപ്പെടുകയായിരുന്നു. ഈ വഴി നടന്ന് പോകുകയായിരുന്ന മോഹനനും ബാബു തോമസും പേഴ്സ് കണ്ടെത്തി.
പേഴ്സ് തുറന്ന് പരിശോധിച്ചതിന് പിന്നാലെ അതിൽ പണവും വിലപിടിപ്പുള്ള മൊബൈൽ ഫോണും ഉള്ളതായി മനസിലാക്കിയ ഇവർ, വൈകാതെ തന്നെ അത് വണ്ടൻമേട് പോലീസ് സ്റ്റേഷനിൽ എത്തിച്ചു.
പോലീസ് ഇൻസ്പെക്ടർ സന്തോഷ് എസ് ന്റെ നിർദേശപ്രകാരം അസിസ്റ്റന്റ് സബ് ഇൻസ്പെക്ടർ ഷിജോ കെ.ടി. ഉടമയെ കണ്ടെത്തി. തുടർന്ന് 4000 രൂപയും മൊബൈൽ ഫോണും അടങ്ങിയ പേഴ്സ് ഭവാനിക്ക് കൈമാറി.
സത്യസന്ധതയുടെ മികച്ച ഉദാഹരണമായി മാറിയ ഈ പ്രവൃത്തിക്ക് നാട്ടുകാരുടെയും പൊലീസിന്റെയും പ്രശംസ ലഭിച്ചു.
English Summary
A lost purse containing cash and a mobile phone was returned to its owner thanks to the honesty of two men from Vandamettu. Police helped identify the owner and ensured its safe return.
vandamettu-honesty-lost-purse-returned-munnar-trip
വണ്ടൻമേട്, സത്യസന്ധത, നഷ്ടപ്പെട്ട പേഴ്സ്, മൂന്നാർ യാത്ര, പോലീസ്, ഇടുക്കി വാർത്ത, നല്ല വാർത്ത
