മുംബൈ: 14ാം വയസിൽ ഐപിഎല്ലിൽ സെഞ്ച്വറിയടിച്ച് അമ്പരപ്പിച്ച രാജസ്ഥാൻ റോയൽസ് വണ്ടർ കിഡ് വൈഭവ് സൂര്യവംശി ഇംഗ്ലണ്ട് പര്യടനത്തിനുള്ള ഇന്ത്യൻ അണ്ടർ 19 ടീമിൽ ഇടം നേടി. ജൂൺ 24 മുതൽ ജൂലൈ 23 വരെയാണ് ഇന്ത്യൻ അണ്ടർ 19 ടീമിന്റെ ഇംഗ്ലണ്ട് പര്യടനം.
സൂര്യവംശിയ്‌ക്കൊപ്പം ഈ സീസണിൽ കൗമാര സെൻസേഷനായി മാറിയ ചെന്നൈ സൂപ്പർ കിങ്‌സിന്റെ ആയുഷ് മാത്രെയും ഇന്ത്യൻ ടീമിൽ ഇടം പിടിച്ചു. ആയുഷാണ് ടീമിന്റെ ക്യാപ്റ്റനും.
അഞ്ച് യൂത്ത് ഏകദിന പോരാട്ടങ്ങളും ത്രിദിന, ചതുർദിന മത്സരങ്ങളുമാണ് ഇന്ത്യ കളിക്കുന്നത്. 27 മുതലാണ് ഏകദിന പരമ്പര തുടങ്ങുന്നത്. 30, ജൂലൈ 2, 5, 7 ദിവസങ്ങളിലാണ് ശേഷിക്കുന്ന പോരാട്ടങ്ങൾ. ജൂലൈ 12 മുതൽ 15 വരെ ദ്വിദിന പോരാട്ടവും ജൂലൈ 20 മുതൽ 23 വരെ ചതുർദിന മത്സരങ്ങളും നടക്കും.
ഇന്ത്യൻ ടീം: ആയുഷ് മാത്രെ (ക്യാപ്റ്റൻ), വൈഭവ് സൂര്യവംശി, വിഹാൻ മൽഹോത്ര, മൗല്യരാജ്‌സിൻ ചാവ്ദ, രാഹുൽ കുമാർ, അഭിഗ്യാൻ കുണ്ടു, ഹർവംശ് സിങ്, ആർഎം അംബരീഷ്, കനിഷ്‌ക് ചൗഹാൻ, ഖിലാൻ പട്ടേൽ, ഹെനിൽ പട്ടേൽ, യുധജിത് ഗുഹ, പ്രണവ് രാഘവേന്ദ്ര, മുഹമ്മദ് ഇനാൻ, ആദിത്യ റാണ, അൻമോൽജീത് സിങ്.
