ന്യൂഡൽഹി: അമേരിക്കന് വൈസ് പ്രസിഡന്റ് ജെ ഡി വാൻസ് നാല് ദിവസത്തെ സന്ദർശനത്തിനായി നാളെ ഇന്ത്യയിൽ എത്തും.
കുടുംബത്തോടൊപ്പം നാളെ രാവിലെ എത്തുന്ന അദ്ദേഹത്തെ വിദേശകാര്യമന്ത്രാലയം ഉദ്യോഗസ്ഥർ സ്വീകരിക്കും.
നാളെ വൈകീട്ട് പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തുന്ന വാൻസ് അദ്ദേഹത്തോടൊപ്പം അത്താഴവിരുന്നിലും പങ്കെടുക്കും.
വ്യാപാരം, താരിഫ് ഉൾപ്പെടെയുള്ള വിഷയങ്ങൾ ചർച്ചയാകും. ഇരു രാജ്യങ്ങൾക്കും ഇടയിലെ ഉഭയകക്ഷി സൗഹൃദബന്ധം കൂടുതൽ ശക്തിപ്പെടുത്താൻ ഈ ഉന്നത തല സംഘത്തിന്റെ സന്ദർശനം കൊണ്ട് സാധിക്കുമെന്നാണ് ഇന്ത്യയുട പ്രതീക്ഷ. ഇന്ത്യന് വംശജയായ ഉഷ വാന്സും മക്കളായ ഇവാൻ, വിവേക്, മിരാബെല് എന്നിവരും ജെ ഡി വാൻസിനൊപ്പമുണ്ടാകും.
ഔദ്യോഗിക പരിപാടികള്ക്ക് പുറമേ, ഇന്ത്യയുടെ ചരിത്ര പ്രധാന കേന്ദ്രങ്ങളായ ജയ്പൂര്, ആഗ്ര തുടങ്ങിയവ വാന്സും കുടുംബവും സന്ദര്ശിക്കും.
