ഹോട്ടലിൽ ചെന്നാൽ ഇനി ആധാർ കോപ്പി ചോദിക്കില്ല കാരണത്തിന് പിന്നിലെ രഹസ്യം പുറത്ത്

ന്യൂഡൽഹി: ആധാർ കാർഡുമായി ബന്ധപ്പെട്ട സുരക്ഷാ ഭീഷണികൾ കുറയ്ക്കുന്നതിന് UIDAI (Unique Identification Authority of India) വലിയ നടപടിയുമായി മുന്നോട്ടു.

ഹോട്ടലുകൾ, ഇവന്റ് ഓർഗനൈസർമാർ, പ്രൈവറ്റ് സ്ഥാപനങ്ങൾ—എല്ലാവർക്കും പുതിയ നിയമം ബാധകം

രാജ്യത്ത് ഹോട്ടലുകളും ഇവന്റ് ഓർഗനൈസർമാരും പല സേവന സ്ഥാപനങ്ങളും പതിവായി നടപ്പാക്കുന്ന

ആധാർ ഫോട്ടോകോപ്പി ശേഖരണ രീതി ഇനി പൂർണമായും നിരോധിക്കാൻ തീരുമാനമായതായി UIDAI സിഇഒ ഭുവനേഷ് കുമാർ അറിയിച്ചു.

പല ഇടങ്ങളിലും സേവനം ലഭിക്കാൻ ഉപഭോക്താക്കളിൽ നിന്നും ആധാർ കാർഡിന്റെ പകർപ്പ് ആവശ്യപ്പെടാറുണ്ട്.

പക്ഷേ, ഈ രീതി സ്വകാര്യതയ്ക്കും വ്യക്തിഗത ഡാറ്റാ സുരക്ഷയ്ക്കും വലിയ ഭീഷണിയാണെന്ന് UIDAI വിലയിരുത്തി.

UIDAIയുടെ ഡിജിറ്റൽ പ്ലാറ്റ്‌ഫോമിൽ രജിസ്ട്രേഷൻ നിർബന്ധം; സ്ഥാപനങ്ങൾക്ക് പുതിയ ചുമതലകൾ

ഫോട്ടോകോപ്പികൾ വഴിയുള്ള ഡാറ്റാ ചോർച്ച, ഐഡന്റിറ്റി മോഷണം, ഡോക്യുമെന്റ് ദുരുപയോഗം എന്നിവ തടയുന്നതിനായി പുതിയ നിയമം ഉടൻ പ്രാബല്യത്തിൽ വരും.

പുതിയ നിയമം പ്രകാരം, പ്രൈവറ്റ് സ്ഥാപനങ്ങളോ ഹോട്ടലുകളോ ആരും ഇനി ആധാർ കാർഡിന്റെ കോപ്പി ശേഖരിക്കരുത്.

അതിനെ നിയമലംഘനമായി കണക്കാക്കി ശക്തമായ നടപടി സ്വീകരിക്കുമെന്നും UIDAI വ്യക്തമാക്കി.

ഐഎഫ്എഫ്‌കെ സ്‌ക്രീനിങ്ങിനിടെ ഹോട്ടലില്‍ വച്ച് കടന്നുപിടിച്ചു; പ്രമുഖ സംവിധായകനെതിരെ ചലച്ചിത്രകാരി; മുഖ്യമന്ത്രിക്ക് പരാതി

ഇതിനുപകരം, സേവനം നൽകുന്ന സ്ഥാപനങ്ങൾ UIDAIയുടെ ഡിജിറ്റൽ വെരിഫിക്കേഷൻ പ്ലാറ്റ്‌ഫോം വഴി മാത്രമേ ആധാർ പരിശോധിക്കാവൂ.

അതിനായി എല്ലാ സ്ഥാപനങ്ങളും UIDAIയിൽ നിർബന്ധമായും രജിസ്റ്റർ ചെയ്യണം. പേപ്പർ അധിഷ്ഠിത പരിശോധന പൂർണമായും ഒഴിവാക്കി സുരക്ഷിതമായ ഡിജിറ്റൽ സിസ്റ്റത്തിലേക്ക് മാറാൻ സർക്കാർ ഉദ്ദേശിക്കുന്നു.

പേപ്പർ വെരിഫിക്കേഷൻ ഔട്ട്; ഇനി QR കോഡ് അധിഷ്ഠിത ഡിജിറ്റൽ പരിശോധന മാത്രം

നിയമം പ്രാബല്യത്തിൽ വന്നാൽ, ഉപഭോക്താക്കൾക്കും ഇനി ആധാർ ഫോട്ടോകോപ്പി കൈമാറേണ്ടതില്ല.

ഒറ്റ ക്ലിക്കിൽ നടത്തുന്ന QR കോഡ് സ്കാനിംഗും ഓൺലൈൻ വെരിഫിക്കേഷനും മാത്രം മതിയാകും.

രാജ്യത്തിന്റെ ഡിജിറ്റൽ സൈബർ സുരക്ഷ ശക്തിപ്പെടുത്തുന്ന നിർണായക ചുവടുവയ്പ്പായി ഈ നിയമം കണക്കാക്കപ്പെടുന്നു.

UIDAIയുടെ പുതിയ നിർദ്ദേശം ഉടൻ പ്രാബല്യത്തിൽ വരുമെന്ന് റിപ്പോർട്ടുകൾ സൂചന നൽകുന്നു.

English Summary

UIDAI is set to introduce a new rule banning the collection and storage of Aadhaar photocopies by hotels, event organisers, and private service providers. To strengthen data privacy and prevent misuse, UIDAI will mandate digital verification for all Aadhaar-related checks. Institutions must register with UIDAI’s digital verification platform, and violations will attract strict action.