യു.എ.ഇ യാത്ര പ്ലാൻ ചെയ്യുന്നുണ്ടോ? എത്ര പണവും സ്വർണവും കൊണ്ടു പോകാം; കൂടുതലായാൽ തടവ് ശിക്ഷ വരെ ലഭിക്കാം
യു.എ.ഇയിലേക്ക് യാത്ര ചെയ്യാനിരിക്കുകയാണോ നിങ്ങൾ? എങ്കിൽ ഇതൊന്ന് വായിക്കാതെ പോകരുത്. യു.എ.ഇയിലേക്കും തിരിച്ചും യാത്ര ചെയ്യുന്ന സമയത്ത് കൈവശമുള്ള സ്വര്ണം, പണം, വിലപിടിപ്പുള്ള കല്ലുകള് എന്നിവയുടെ മൂല്യം 60,000 ദിര്ഹത്തിന് (ഏകദേശം 14.31 ലക്ഷം രൂപ) മുകളിലാണെങ്കില് അക്കാര്യം വിമാനത്താവളത്തില് വെളിപ്പെടുത്തിയില്ലെങ്കിൽ തടവ് ശിക്ഷ വരെ ലഭിച്ചേക്കാമെന്നാണ് റിപ്പോർട്ട്. ഇക്കാര്യം വെളിപ്പെടുത്താനായി രാജ്യത്തെ ഔദ്യോഗിക ഓണ്ലൈന് പ്ലാറ്റ്ഫോമായ അഫ്സേ (Afseh) അല്ലെങ്കില് കസ്റ്റംസിന്റെ വെബ്സൈറ്റ് എന്നിവ ഉപയോഗിക്കാവുന്നതാണ്.
യു.എ.ഇയിലേക്കോ യു.എ.ഇയിൽ നിന്ന് തിരിച്ചോ യാത്ര ചെയ്യുന്നവർക്ക്, കൈവശമുള്ള സ്വർണം, പണം, വിലപിടിപ്പുള്ള കല്ലുകൾ എന്നിവയുടെ മൊത്തം മൂല്യം 60,000 ദിർഹം (ഏകദേശം ₹14.31 ലക്ഷം) കവിയുന്നുവെങ്കിൽ, അത് വിമാനത്താവളത്തിൽ വെളിപ്പെടുത്തണം (Declare) എന്നതാണ് നിയമം. വെളിപ്പെടുത്താത്ത പക്ഷം പിഴയും തടവും ഉൾപ്പെടുന്ന കർശന ശിക്ഷ ലഭിക്കാമെന്ന് റിപ്പോർട്ടുകൾ പറയുന്നു.
വെളിപെടുത്തേണ്ടവർ ആരോക്കെ?
18 വയസും അതിലധികവുമുള്ള എല്ലാവരും, കൈവശമുള്ള വിലപിടിപ്പുള്ള വസ്തുക്കളുടെ ആകെ മൂല്യം 60,000 ദിർഹത്തിന് മുകളിലാണെങ്കിൽ വെളിപ്പെടുത്തൽ നിർബന്ധം.
18 വയസ്സിൽ താഴെയുള്ളവർ കൂടുതൽ മൂല്യമുള്ള വസ്തുക്കൾ കൈവശം വയ്ക്കാം, പക്ഷേ നിയമാനുസൃത രക്ഷകൻ ആണ് പ്രഖ്യാപനം നടത്തേണ്ടത്.
എങ്ങനെ വെളിപ്പെടുത്താം?
Afseh എന്ന യു.എ.ഇയുടെ ഔദ്യോഗിക ഓൺലൈൻ പോർട്ടൽ
കസ്റ്റംസ് വെബ്സൈറ്റ്
നിലവിൽ Afseh പോർട്ടൽ ഉപയോഗിക്കാനുള്ള സൗകര്യം അബുദാബി, ഷാർജ, റാസൽഖൈമ അന്താരാഷ്ട്ര വിമാനത്താവളങ്ങളിലാണ്.
UAE Pass ഉപയോഗിച്ച് Afseh-ൽ രജിസ്റ്റർ ചെയ്ത്:
1. എമിറേറ്റ്സ് ഐഡി, വിസ, പേര്, രാജ്യ വിവരം എന്നിവ ഓട്ടോമാറ്റിക്കായി രേഖപ്പെടും.
2. യു.എ.ഇയിൽ താമസിക്കുന്നവർ വിലാസ വിവരങ്ങളും നൽകണം.
3. വിദേശികൾ തങ്ങളുടെ രാജ്യത്തിന്റെ വിലാസ വിവരങ്ങൾ നൽകുക.
4. കൈവശമുള്ള വിലപിടിപ്പുള്ള വസ്തുക്കളുടെ വിശദാംശങ്ങളും മൂല്യവും രേഖപ്പെടുത്തി അപേക്ഷ സമർപ്പിക്കുക.
വെളിപ്പെടുത്താതെ പോയാൽ?
നികുതി അടക്കേണ്ടി വരും.
സുരക്ഷാ പരിശോധന നേരിടേണ്ടി വരും.
നിയമലംഘനം തെളിഞ്ഞാൽ പിഴയോ തടവ് ശിക്ഷയോ ലഭിക്കും.
കള്ളപ്പണം വെളുപ്പിക്കൽ, നിയമവിരുദ്ധ പണ കടത്ത്, വിലപിടിപ്പുള്ള വസ്തുക്കളുടെ കള്ളക്കടത്ത് എന്നിവ തടയുന്നതിനായാണ് നിയമം ശക്തമാക്കിയിരിക്കുന്നത്.
അധികാരികളുടെ നിർദ്ദേശം
യാത്രക്കാരൻ കസ്റ്റംസ് ചെക്ക് പോയിന്റിൽ എത്തുന്നതിനുമുമ്പ് തന്നെ വെളിപ്പെടുത്തൽ പൂർത്തിയാക്കിയാൽ, താമസമില്ലാതെ യാത്ര തുടരാൻ കഴിയും. നിയമം യാത്രക്കാരുടെ സുരക്ഷിതവും സുഗമവുമായ യാത്ര ലക്ഷ്യമിടുന്നതാണ്.
60,000 ദിര്ഹത്തിന് മുകളില് മൂല്യമുള്ള ഇത്തരം വസ്തുക്കള്ക്ക് നികുതി അടക്കേണ്ടി വരുമെന്നും റിപ്പോർട്ടിൽ പറയുന്നു. ഇതു കൂടാതെ ചിലപ്പോള് വിമാനത്താവളത്തില് സുരക്ഷാ പരിശോധനയും വേണ്ടി വരും. എന്നാല് വിലപിടിപ്പുള്ള വസ്തുക്കള് വെളിപ്പെടുത്താത്ത യാത്രക്കാരനില് നിന്നും ഇത്തരം വസ്തുക്കള് പിടിക്കപ്പെട്ടാല് ചിലപ്പോള് പിഴയോ തടവ് ശിക്ഷയോ വിധിക്കപ്പെടാമെന്നും റിപ്പോര്ട്ടുകള് പറയുന്നു.
കള്ളപ്പണം വെളുപ്പിക്കല്, പണത്തിന്റെ നിയവിരുദ്ധമായ കടത്ത്, ഉയര്ന്ന മൂല്യമുള്ള വസ്തുക്കളുടെ കള്ളക്കടത്ത് എന്നിവ തടയുന്നതിനാണ് നിയമം കര്ശനമാക്കുന്നത്. ഒപ്പം യാത്രക്കാര്ക്ക് സുഗമമായ യാത്രാ അനുഭവം ഒരുക്കുകയും ലക്ഷ്യമിട്ടാണ് നീക്കമെന്നും അധികൃതര് പറയുന്നു.
English Summary :
If you are traveling to or from the UAE with gold, cash, or precious stones worth over AED 60,000 (₹14.31 lakh), you must declare it at the airport. Failure to do so can lead to fines or jail.
