നടൻ സൽമാൻ ഖാന്റെ വസതിയിലേക്ക് വെടിവെപ്പ് നടത്തിയ സംഭവത്തിൽ പ്രതികൾ അറസ്റ്റിൽ. ബിഹാർ സ്വദേശികളായ രണ്ടു പേരാണ് പൊലീസിന്റെ പിടിയിലായത്. വിക്കി ഗുപ്ത, സാഗർ പാൽ എന്നീ പ്രതികളെ ഗുജറാത്തിൽ നിന്ന് പിടികൂടുകയായിരുന്നു. പ്രതികൾക്ക് ലോറൻസ് ബിഷ്ണോയ് ഗ്യാങ്ങുമായി ബന്ധമെന്ന് പൊലീസ് അറിയിച്ചു.
ഈ മാസം 14നാണ് സൽമാൻ ഖാന്റെ വീടിനു നേരെ അക്രമികൾ വെടിയുതിർത്തത്. ബൈക്കിലെത്തിയ അജ്ഞാതർ മൂന്ന് റൗണ്ട് വെടിവെച്ചതായി അധികൃതർ അറിയിച്ചിരുന്നു. വെടിയുതിർത്ത ശേഷം സംഘം കടന്നുകളയുകയായിരുന്നു. ആക്രമണത്തിൽ ആർക്കും പരിക്കേറ്റിട്ടില്ല.
