പുലിവാൽ കല്യാണം 2.0! താലികെട്ടിന് മുന്നിൽ രണ്ട് വരന്മാർ; തുടർന്ന് സംഘർഷം
ആഗ്ര: ഉത്തർപ്രദേശിലെ മുസാഫർനഗറിലെ ഖതൗലി പ്രദേശത്ത് നടന്ന ഒരു വിവാഹം രണ്ട് വരന്മാർ ഒരേസമയം എത്തിയതോടെ സംഘർഷത്തിലേക്ക് നീങ്ങി, ഒടുവിൽ വിവാഹം മുടങ്ങി.
ഷംലിയിൽ നിന്നും മീരറ്റിൽ നിന്നും രണ്ട് യുവാക്കൾ വിവാഹ ഘോഷയാത്രയുമായി ഗ്രാമത്തിലെത്തിയതോടെയാണ് പ്രശ്നങ്ങൾ ആരംഭിച്ചത്.
ഇരുവരും വധുവിനെ വിവാഹം കഴിക്കാൻ അവകാശവാദം ഉന്നയിച്ചതോടെ കുടുംബങ്ങൾക്കിടയിൽ വാക്കുതർക്കവും സംഘർഷവും ഉണ്ടായി.
കെട്ടിടം പണിത ശേഷം ‘കോണി’ മറന്നോ? തൃശൂരിലെ ഓഫിസ് കെട്ടിടത്തിൽ വിചിത്ര പിഴവ്
ബാലവിവാഹമോ എന്ന സംശയം
ഇതിനിടെ വധു പ്രായപൂർത്തിയായിട്ടില്ലെന്ന വിവരം ഒരു ഗ്രാമവാസി ചൈൽഡ് ഹെൽപ് ലൈനിൽ അറിയിച്ചതോടെ അധികൃതരും പോലീസും സ്ഥലത്തെത്തി.
പെൺകുട്ടിയുടെ പ്രായം തെളിയിക്കുന്ന രേഖകൾ കുടുംബത്തിന് ഹാജരാക്കാൻ കഴിയാതിരുന്നതോടെ അധികൃതർ ഇടപെട്ടു.
പെൺകുട്ടിയെ സംരക്ഷണ കേന്ദ്രത്തിലേക്ക് മാറ്റി
തുടർന്ന് ചൈൽഡ് ലൈൻ അധികൃതർ പെൺകുട്ടിയെ വൺ-സ്റ്റോപ്പ് സെന്ററിലേക്ക് മാറ്റി. പിന്നീട് കുട്ടിയെ ചൈൽഡ് വെൽഫെയർ കമ്മിറ്റിക്ക് മുന്നിൽ ഹാജരാക്കുകയും മെഡിക്കൽ പരിശോധനയിലൂടെ പ്രായം സ്ഥിരീകരിക്കുകയും ചെയ്യും.
രണ്ട് വിവാഹ നിശ്ചയങ്ങൾ കാരണമായി
ആറ് മാസം മുമ്പ് ഷംലി സ്വദേശിയായ പ്രദീപ് കുമാറുമായി (20) മകളുടെ വിവാഹം നിശ്ചയിച്ചതായി വധുവിന്റെ പിതാവ് പോലീസിനോട് പറഞ്ഞു. എന്നാൽ വിവാഹത്തിന് മുമ്പ് വരന്റെ സഹോദരൻ മരിച്ചതോടെ ചടങ്ങ് നടക്കുമോയെന്ന ആശങ്ക ഉണ്ടായി.
അതിനിടെ, മീരറ്റിലെ ഡിഗ്ഗി ഗ്രാമത്തിലെ ആകാശുമായി കുടുംബം അടിയന്തരമായി വിവാഹം ഉറപ്പിച്ചു. ഇതോടെ വിവാഹദിവസം രണ്ട് വരന്മാരും ഒരേസമയം എത്തിയതോടെ ഗ്രാമത്തിൽ ആശയക്കുഴപ്പവും സംഘർഷവും ഉണ്ടായി.
English Summary:
A wedding in Muzaffarnagar, Uttar Pradesh, was called off after two grooms arrived at the venue claiming the bride. Authorities intervened after receiving a tip that the bride might be a minor. Since the family failed to provide proof of age, officials shifted the girl to a protection center and will determine her age through medical examination.
