മൂന്നാറിലെത്തുന്ന സഞ്ചാരികൾക്ക് വിസ്മയമായി കുറിഞ്ഞിച്ചെടികൾ പൂത്തു

മൂന്നാറിലെത്തുന്ന സഞ്ചാരികൾക്ക് വിസ്മയമൊരുക്കി പോതമേട്ടിൽ കുറിഞ്ഞിച്ചെടികൾ പൂത്തു. പഴയമൂന്നാർ ഹെഡ്വർക്‌സ് ജലാശയത്തിന് സമീപം പോതമേട് വ്യൂ പോയിന്റിന് സമീപമാണ് കുറിഞ്ഞി പൂത്തത്. Tourists coming to Munnar are amazed by the blossoming of Kurinji flowers

കുറിഞ്ഞി പൂത്തതോടെ പൂക്കൾ കാണാൻ സഞ്ചാരികളും എത്തിത്തുടങ്ങി. റോഡിന് ഇരുവശവും കുറിഞ്ഞികൾ പൂത്തിട്ടുണ്ട്.

രാജമലയിൽ 12 വർഷത്തിൽ ഒരിക്കൽ കുറിഞ്ഞി പൂക്കുന്നതോടെ നീലവസന്തവും സഞ്ചാരികളുടെ ഒഴുക്കും തുടരുമെങ്കിലും അതിന് ഇനിയും വർഷങ്ങൾ കാത്തിരിക്കണം.

കുറിഞ്ഞി പൂത്തതോടെ മൂന്നാറിൽ സഞ്ചാരികളുടെ തിരക്ക് വർധിക്കാനാണ് സാധ്യത. പൂജ അവധി ദിവസങ്ങളിൽ മൂന്നാറിൽ സഞ്ചാരികളുടെ വലിയ തിരക്ക് അനുഭവപ്പെട്ടിരുന്നു.

ഇടുക്കി കാൽവരിമൗണ്ടിലും ഏതാനും മാസങ്ങൾക്ക് മുൻപ് മേട്ടുക്കുറിഞ്ഞി ഇനത്തിലുള്ള കുറിഞ്ഞികൾ പൂവിട്ടിരുന്നു.