മലപ്പുറം: മലപ്പുറത്ത് ടൂറിസ്റ്റ് ബസ് അപകടത്തിൽ വിദ്യാർത്ഥിനി മരിച്ചു. ദേശീയപാത -66 വെളിയങ്കോട് മേല്പ്പാലത്തിലാണ് അപകടം നടന്നത്. കൊണ്ടോട്ടി പള്ളിമുക്ക് ഹയാത്തുല് ഇസ്ലാം ഹയര് സെക്കഡറി മദ്രസയിലെ വിദ്യാര്ഥി ഹിബ (17) ആണ് മരിച്ചത്.(Tourist bus accident in malappuram; student died)
തിങ്കളാഴ്ച പുലര്ച്ചെ 3.45 -നായിരുന്നു അപകടം നടന്നത്. വാഗമണ്ണിലേക്ക് വിനോദയാത്ര പോയി തിരിച്ചു വരികയായിരുന്ന സംഘമാണ് അപകടത്തിൽപ്പെട്ടത്. ബസ് മേല്പ്പാലത്തിന്റെ കൈവരിയില് ഇടിക്കുകയായിരുന്നു. കൈവരിയില് സ്ഥാപിച്ച സ്ട്രീറ്റ് ലൈറ്റിന്റെ തൂണില് തല ഇടിച്ചാണ് ഹിബ മരിച്ചത്.
അപകടത്തിൽ ഒരു കുട്ടിയ്ക്ക് ഗുരുതരമായി പരിക്കേറ്റിട്ടുണ്ട്. ഈ കുട്ടിയെ കോട്ടക്കല് സ്വകാര്യ ആശുപത്രിയില് പ്രവേശിപ്പിച്ചു. മറ്റു വിദ്യാർഥികൾ സുരക്ഷിതരാണ്. ഡ്രൈവര് ഉറങ്ങിപ്പോയതാണ് അപകട കാരണമെന്നാണ് പ്രാഥമിക നിഗമനം. ഹിബയുടെ മൃതദേഹം കുറ്റിപ്പുറം താലൂക്ക് ഗവ. ആശുപത്രി മോര്ച്ചയില് സൂക്ഷിച്ചിരിക്കുകയാണ്.
