നരഭോജി കടുവയുടെ ജഡമാണിതെന്നാണ് വനംവകുപ്പിന്റെ നിഗമനം
വയനാട്: പഞ്ചാരക്കൊല്ലിയിലെ കടുവയെ ചത്ത നിലയില് കണ്ടെത്തി. പിലാക്കാവിന് സമീപത്തെ വനമേഖലയില് നിന്ന് ദൗത്യസംഘമാണ് കടുവയുടെ മൃതദേഹം കണ്ടെത്തിയത്. കടുവയുടെ കഴുത്തിൽ ആഴത്തിലുള്ള മുറിവുകളും ശരീരത്തിൽ പരിക്കുകയും കണ്ടെത്തിയിട്ടുണ്ട്.(Tiger found dead in wayanad)
നരഭോജി കടുവയുടെ ജഡമാണിതെന്നാണ് വനംവകുപ്പിന്റെ നിഗമനം. പുലർച്ചെ രണ്ടരയോടെയാണ് കടുവയെ ചത്ത നിലയിൽ കണ്ടെത്തിയതെന്ന് വനംമന്ത്രിയുടെ ഓഫീസ് അറിയിച്ചു. കടുവയുടെ ജഡം ദൗത്യസംഘം ബേസ് ക്യാമ്പിലേക്ക് മാറ്റിയിട്ടുണ്ട്. ദൗത്യസംഘത്തിന്റെ വെടിയേറ്റിട്ടാണോ കടുവ ചത്തതെന്നത് പോസ്റ്റ് മോര്ട്ടത്തിന് ശേഷമേ സ്ഥിരീകരിക്കാനാവൂ.
ഇന്നലെ ആര്ആര്ടി സംഘത്തിലെ ജയസൂര്യയെ കടുവ ആക്രമിച്ചിരുന്നു. ആ സമയത്ത് മറ്റു സംഘാംഗങ്ങള് വെടിവെച്ചിരുന്നു. എന്നാല് കടുവയ്ക്ക് വെടി കൊണ്ടില്ലെന്നായിരുന്നു സംഘത്തിന്റെ നിഗമനം. കടുവയുടെ ആക്രമണത്തിൽ പഞ്ചാരക്കൊല്ലി സ്വദേശി രാധ കൊല്ലപ്പെട്ടിരുന്നു.
