പുലർച്ചെ 3 മണിക്ക് പത്രക്കെട്ടുകൾ തരംതിരിക്കുന്നതിനിടെ പത്രവിതരണക്കാരനെ വെട്ടിപ്പരിക്കേൽപിച്ചു; ഇടത് തള്ളവിരൽ പൂർണ്ണമായും അറ്റുപോയി
തൃശ്ശൂർ: തൃശ്ശൂർ ജില്ലയിലെ മേലഡൂരിൽ പുലർച്ചെ പത്രവിതരണക്കാരന് നേരെ ക്രൂരമായ ആക്രമണം. പ്ലാശേരി വീട്ടിൽ വർഗീസ് (62) ആണ് വെട്ടേറ്റ് ഗുരുതരമായി പരിക്കേറ്റത്.
ആക്രമണത്തിൽ വർഗീസിന്റെ ഇടതുകൈയിലെ തള്ളവിരൽ പൂർണ്ണമായും അറ്റുപോയി. വലതുകൈക്കും താടിക്കും ഗുരുതര പരിക്കുകളുണ്ട്.
അന്നമനട മേലഡൂർ ജംഗ്ഷനിൽ ഇന്ന് പുലർച്ചെ മൂന്ന് മണിയോടെയായിരുന്നു സംഭവം. പതിവുപോലെ പത്രക്കെട്ടുകൾ തരംതിരിക്കുന്നതിനിടെയാണ് ബൈക്കിലെത്തി മുഖംമൂടി ധരിച്ച ഒരാൾ വർഗീസിനെ ആക്രമിച്ചത്.
ഈ സമയത്ത് വർഗീസിനൊപ്പം മറ്റ് രണ്ട് പത്രവിതരണക്കാരും സ്ഥലത്തുണ്ടായിരുന്നു. എന്നാൽ അക്രമി അവരെ ബലമായി തള്ളിമാറ്റിയ ശേഷം വർഗീസിനെ വെട്ടുകയായിരുന്നു.
പരിക്കേറ്റ വർഗീസിനെ ഉടൻ തന്നെ എറണാകുളത്തെ സ്പെഷ്യലിസ്റ്റ് ആശുപത്രിയിൽ പ്രവേശിപ്പിച്ചു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
English Summary
A newspaper distributor was brutally attacked in Meladoor, Thrissur district, early Tuesday morning. The victim, Varghese (62), lost his left thumb completely in the assault. He also sustained serious injuries to his right hand and chin. The masked attacker arrived on a bike and attacked Varghese while he was sorting newspapers at the junction. Police have launched an investigation into the incident.
thrissur-newspaper-distributor-attacked-meladoor
Thrissur, Meladoor, Newspaper Distributor, Attack, Crime News, Kerala News, Varghese
