തിരുവനന്തപുരത്ത് ചരിത്രത്തിലെ ഏറ്റവും ഉയർന്ന ചൂട്; 38 വർഷത്തെ റെക്കോർഡ് തകർന്നു

തിരുവനന്തപുരത്ത് ചരിത്രത്തിലെ ഏറ്റവും ഉയർന്ന ചൂട്; 38 വർഷത്തെ റെക്കോർഡ് തകർന്നു

തിരുവനന്തപുരം: തലസ്ഥാന നഗരിയിൽ മാർച്ച് മാസത്തിലെ ഏറ്റവും ഉയർന്ന താപനിലയായി 37.8 ഡിഗ്രി സെൽഷ്യസ് ഇന്നലെ രേഖപ്പെടുത്തി. 1988 മാർച്ച് 16ന് രേഖപ്പെടുത്തിയ 37.7 ഡിഗ്രിയായിരുന്നു ഇതിന് മുമ്പുള്ള റെക്കോർഡ്.

തിങ്കളാഴ്ച നഗരത്തിൽ ഉയർന്ന താപനില 38 ഡിഗ്രിയിലേക്കും കുറഞ്ഞത് 25 ഡിഗ്രിയിലേക്കും എത്താൻ സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. മറ്റു ജില്ലകളിലും മലയോര മേഖലകളിലും ഒറ്റപ്പെട്ട വേനൽമഴ ലഭിക്കുന്നുണ്ടെങ്കിലും തിരുവനന്തപുരത്ത് വരണ്ട കാലാവസ്ഥയാണ് തുടരുന്നത്.

ഇതിനിടെ, സംസ്ഥാനത്ത് ഇന്നലെ ഏറ്റവും ഉയർന്ന താപനില പാലക്കാട് രേഖപ്പെടുത്തി—38.8 ഡിഗ്രി. പുനലൂർ (37.6), തൃശൂർ (36.9), കണ്ണൂർ (36.2) എന്നിവിടങ്ങളിലും ഉയർന്ന ചൂട് അനുഭവപ്പെട്ടു.

യു.വി സൂചിക 8 ആയി ഉയർന്നതിനാൽ കോട്ടയം, ഇടുക്കി ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. ശക്തമായ സൂര്യാഘാത സാധ്യത കണക്കിലെടുത്ത് ജാഗ്രത പാലിക്കണമെന്ന് മുന്നറിയിപ്പുണ്ട്.

അതേസമയം, India Meteorological Department സംസ്ഥാനത്ത് വ്യാഴാഴ്ചവരെ ഇടിമിന്നലോടുകൂടിയ ഒറ്റപ്പെട്ട മഴയ്ക്ക് സാധ്യതയുണ്ടെന്ന് അറിയിച്ചു.

English Summary
Thiruvananthapuram recorded its highest-ever March temperature at 37.8°C, breaking a 1988 record. The temperature may rise further to 38°C. While other districts are experiencing isolated summer showers, the capital continues to face dry conditions. Palakkad recorded the highest temperature in the state at 38.8°C. With a UV index of 8, an orange alert has been issued in Kottayam and Idukki. The India Meteorological Department has also forecast isolated thunderstorms in the state till Thursday.