കൈക്കുഞ്ഞുമായി ഭർത്താവിന്റെ വീട്ടിലേക്കെന്നു പറഞ്ഞിറങ്ങി; കൃഷ്ണപ്രിയയെയും ഒന്നര വയസ്സുകാരിയായ മകളെയും കാണാതായിട്ട് ഒരു ദിവസം പിന്നിടുന്നു; അന്വേഷണത്തിൽ നാട്ടുകാരും പോലീസും

കൈക്കുഞ്ഞുമായി ഭർത്താവിന്റെ വീട്ടിലേക്ക് പോവാനിറങ്ങിയ യുവതിയേയും ഒന്നര വയസ്സുകാരിയായ മകളെയും കാണാനില്ലെന്ന് പരാതി. അന്തിക്കാട് കല്ലിടവഴി സ്വദേശി ചോണാട്ടിൽ അഖിലിന്‍റെ ഭാര്യയും മണലൂർ ആനക്കാട് സ്വദേശിനി കുന്നത്തുള്ളി വീട്ടിൽ കൃഷ്ണപ്രിയ (24), മകൾ പൂജിത (ഒന്നര) എന്നിവരെയാണ് കാണാതായത്. തിങ്കളാഴ്ച ഉച്ചയ്ക്ക് രണ്ട് മുതലാണ് ഇരുവരെയും കാണാതായതായി സംശയിക്കുന്നത്. യുവതി ഉച്ചയ്ക്ക് കുഞ്ഞിനേയും കൊണ്ട് ഭർത്താവിന്‍റെ വീട്ടിലേക്ക് പോവുകയാണെന്ന് പറഞ്ഞാണ് കാത്താണിയിലെ സ്വന്തം വീട്ടിൽ നിന്നും ഇറങ്ങിയത്. രാത്രിയായിട്ടും ഇവരെ കാണാതെ വന്നതോടെ ഭർത്താവ് അന്തിക്കാട് പൊലീസിൽ പരാതി നൽകുകയായിരുന്നു. കാഞ്ഞാണിയിലെ സ്വകാര്യ സ്ഥാപനത്തിലെ ജീവനക്കാരിയാണ് യുവതി. ഇവരെ കുറിച്ച് വിവരം ലഭിക്കുന്നവർ അന്തിക്കാട് പൊലീസുമായി ബന്ധപ്പെടണമെന്നു പോലീസ് അറിയിച്ചു.

Read also: കണ്ണൂർ ചെറുകുന്നിൽ കാറും ലോറിയും കൂട്ടിയിടിച്ച് വൻ അപകടം; സ്ത്രീകളും കുട്ടികളുമടക്കം ഒരു കുടുംബത്തിലെ അഞ്ചുപേർ തൽക്ഷണം മരിച്ചു