കൊല്ലം: സ്വകാര്യ ബസിൽ നിന്നും തെറിച്ചു വീണ് വിദ്യാർഥിനിക്ക് പരിക്ക്. കൊട്ടാരക്കര പുത്തൂരിലാണ് സംഭവം. കൊട്ടാരക്കര മാർത്തോമാ ഗേൾസ് ഹൈസ്കൂളിലെ വിദ്യാർഥിനിക്കാണ് പരിക്കേറ്റത്.
ഇന്ന് രാവിലെ ഒമ്പതരയോടെയാണ് സംഭവം. പൂത്തൂർ കല്ലുംമൂട്ടിൽ നിന്നുമാണ് വിദ്യാർഥിനി സ്വകാര്യ ബസിൽ കയറിയത്.
പരിക്കേറ്റ കുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചു. സ്വകാര്യ ബസും രണ്ട് ജീവനക്കാരെയും പുത്തൂർ പോലീസ് കസ്റ്റഡിയിലെടുത്തിട്ടുണ്ട്.
ഡോറിന് സമീപമാണ് വിദ്യാർഥിനി നിന്നിരുന്നത്. റോഡിലേക്ക് തെറിച്ചു വീണതിനെ തുടർന്ന് വിദ്യാർഥിനിയുടെ തലയ്ക്ക് പരിക്കേറ്റിട്ടുണ്ട്.
