TOP NEWS
അഴീക്കോട്:പാമ്പിന്റെ കടിയേറ്റ് വീട്ടമമ മരിച്ചു. കാല് തുടയ്ക്കാനിട്ട തുണിയില് കയറിയ പാമ്പാണ് കടിച്ചത്. അഴീക്കല് ബോട്ടുപാലത്തിന് സമീപം പാറക്കാട്ട് ഹൗസില് നസീമ (52) ആണ് മരിച്ചത്.
ഞായറാഴ്ച രാത്രിയാണ് സംഭവം. ഭക്ഷണം പാകം ചെയ്യാന് പുറമെനിന്ന് വിറകെടുത്ത് അടുക്കളയിലേക്ക് പോവുകയായിരുന്നു നസീമ. വാതില്ക്കല് കാലുതുടയ്ക്കാനിട്ട തുണിയ്ക്കടിയില് പാമ്പുണ്ടെന്ന് അറിയാതെ കാല് തുടയ്ക്കവെയാണ് പാമ്പ് കടിയേറ്റത്.
ഉടന്തന്നെ കണ്ണൂരില് സ്വകാര്യ ആശുപത്രിയിലെത്തിച്ചെങ്കിലും തിങ്കളാഴ്ച രാവിലെ മരിച്ചു. ഉമ്മ: ആത്തിക്ക. ഭര്ത്താവ്: ഫക്രുദ്ദീന്. മക്കള്: ഫനാസ്, ഫസീല് (ഇരുവരും ഗള്ഫ് ). മരുമക്കള്: അന്ഷിന, നസ്മിന.
