തിരുവനന്തപുരം: കുളത്തിൽ കുളിക്കുന്നതിനിടെ വഴുതി വീണ് രണ്ട് വിദ്യാർത്ഥികൾക്ക് ദാരുണാന്ത്യം. മുഹമ്മദ് ഇഹ്സാൻ (15), മുഹമ്മദ് ബിലാൽ (15) എന്നിവരാണ് മരിച്ചത്. ഇന്നലെ വൈകിട്ട് വെള്ളയാണിയിൽ വച്ചായിരുന്നു അപകടം.
പാറക്കോട്ട് കുളത്തിൽ കുളിക്കാനിറങ്ങിയതായിരുന്നു ഇഹ്സാനും ബിലാലും. എന്നാൽ മഴ കനത്തതിനെ തുടർന്ന് കുളം നിറഞ്ഞു കവിഞ്ഞിരുന്നു. ഇതിനിടെ കാൽ വഴുതി കുട്ടികൾ കുളത്തിൽ വീണു.
തുടർന്ന് നാട്ടുകാരും ബന്ധുക്കളും ചേർന്ന് കുട്ടികളെ പുറത്തെടുത്ത് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. നേമം വിക്ടറി ഹയർസെക്കൻഡറി സ്കൂളിലെ പത്താം ക്ലാസ് വിദ്യാർത്ഥികളാണ് ഇരുവരും.
Read Also:കേരളത്തിൽ ഈ ആഴ്ച രണ്ടു ദിവസം ഒരു തുള്ളി മദ്യം കിട്ടില്ല ! വരുമാനം നഷ്ടമെങ്കിലും വേറെ വഴിയില്ല
