ഇന്ന് വിശ്വപ്രസിദ്ധമായ ഗുരുവായൂര് ഏകാദശിയാണ്. വൃച്ഛിക മാസത്തിലെ വെളുത്തപക്ഷ ഏകാദശിയാണ് അതിവിശിഷ്ടമായി കൊണ്ടാടപ്പെടുന്നത്. മഹാഭാരത യുദ്ധ സമയത്ത് ആയുധമെടുക്കാനാകാതെ പകച്ചുനിന്ന അര്ജുനന് ഭഗവാന് പാര്ത്ഥസാരഥി ഗീതോപദേശം നല്കിയത് ഈ ദിവസമാണെന്നും വിശ്വാസമുണ്ട്. The famous Guruvayur Ekadashi is today
ഗുരുവും വായുവും ചേര്ന്ന് ഗുരുവായൂരില് പ്രതിഷ്ഠ നടത്തിയെന്ന വിശ്വാസത്തിലാണ് ഈ സ്ഥലം ഗുരുവായൂര് എന്ന് അറിയപ്പെടാന് തുടങ്ങിയത്. ഏകാദശിയോടനുബന്ധിച്ച് വിപുലമായ ആഘോഷങ്ങളാണ് ക്ഷേത്രത്തില് ഒരുക്കിയിട്ടുള്ളത്. രാവിലെ 7 മുതല് ആദ്ധ്യാത്മിക ഹാളില് ശ്രീമദ് ഗീതാപാരായണം നടക്കും.ദേവസ്വം വകയാണ് ഇന്നത്തെ ചുറ്റുവിളക്ക്.
ഗുരുവായൂര് ഏകാദശി അനുഷ്ഠിക്കുന്നത് ഒരു വര്ഷത്തെ മുഴുവന് ഏകാദശിയും അനുഷ്ഠിക്കുന്നതിന് തുല്യമാണെന്നാണ് പറയാറ്. ദശാപഹാര ദോഷം, സര്വപാപങ്ങള് എന്നിവ പരിഹരിക്കാന് ഏകാദശി ദിനം വിഷ്ണുസഹസ്രനാമം ജപിക്കുന്നത് ഉത്തമമാണെന്നും വിശ്വസിക്കപ്പെടുന്നു.
കണ്ണനെ കാണാന് ജനലക്ഷഖങ്ങളാണ് ഇന്ന് ഗുരുവായൂരില് എത്തുക. വ്രതമെടുക്കുന്നവര്ക്ക് ഗോതമ്പ് ചോറ്, കാളന്, പുഴുക്ക്, ഗോതമ്പ് പായസം എന്നിവയോടെ പ്രത്യേകസദ്യ ഊട്ടുപുരയില് നടക്കും. കിഴക്കേനടയില് പുരുഷന്മാര്ക്കും സ്ത്രീകള്ക്കും ദര്ശനത്തിനും പ്രസാദ ഊട്ടിനും സജ്ജീകരണങ്ങള് ഒരുക്കിയിട്ടുണ്ട്.
