കടലിലും കരയിലും ഉപേക്ഷിക്കപ്പെടുന്ന പ്ലാസ്റ്റിക് മാലിന്യങ്ങളുടെ അംശം മനുഷ്യ ശരീരത്തിലും കലരുന്നുവെന്ന് പഠനങ്ങൾ. അമേരിക്കയിൽ സയൻസ് അഡ്വാൻസ് ജേർണലിൽ ബുധനാഴ്ചയാണ് ഇതു സംബന്ധിച്ച റിപ്പോർട്ടുകൾ പ്രസിദ്ധീകരിച്ചത്. ജല സ്രോതസുകളിൽ എത്തുന്ന പ്ലാസ്റ്റിക്കിന്റെ അംശങ്ങൾ മൈക്രോ പ്ലാസ്റ്റിക് ആയോ നാനോ പ്ലാസ്റ്റിക് ആയോ വിഘടിയ്ക്കുന്നു. പിന്നീട് അവ വിവിധ രീതികളിലൂടെ മനുഷ്യ ശരീരത്തിൽ എത്തി രക്തത്തിൽ പ്രവേശിക്കുന്നു. പ്ലാസ്റ്റിക് കത്തുന്നതിലൂടെയും അല്ലാതെയും വായുവിൽ എത്തുന്ന പ്ലാസ്റ്റിക്കിന്റ അംശങ്ങൾ മനുഷ്യന്റെ ശ്വാസകോശത്തിൽ എത്തുന്നുവെന്നും പഠനങ്ങൾ പറയുന്നു. ഓരോ വർഷവും 400 ദശലക്ഷം മെട്രിക് ടൺ പ്ലാസ്റ്റിക് ആണ് ലോകമെമ്പാടും ഉത്പാദിപ്പിയ്ക്കപ്പെടുന്നത്.
Read also: മഴയും കാലാവസ്ഥാ വ്യതിയാനവും; യു.എ.ഇ.യിൽ ഉദരരോഗങ്ങൾ വർധിക്കുന്നു