പരിസരത്തെ നിരവധി വളർത്തു മൃഗങ്ങളെയും നായ അക്രമിച്ചിട്ടുണ്ട്
പന്തളം: തെരുവുനായയുടെ ആക്രമണത്തിൽ നിരവധിപേർക്ക് പരിക്ക്. പന്തളം പെരുമ്പുളിക്കലിലാണ് സംഭവം. നാലു വയസ്സുകാരൻ ഉൾപ്പെടെ മൂന്നുപേരാണ് ആക്രമണത്തിനിരയായത്.(Stray dog attack; Three people, including a four-year-old boy, were injured)
പരിസരത്തെ നിരവധി വളർത്തു മൃഗങ്ങളെയും നായ അക്രമിച്ചിട്ടുണ്ട്. മന്നം നഗർ കരൂർ വീട്ടിൽ അജിതകുമാരി (55), മന്നം നഗർ കുളത്തിന്റെ കിഴക്കേതിൽ സരോജിനിയമ്മ (80), വൈഷ്ണവത്താൽ ആരവ് വി. നായർ (4) എന്നിവർക്കാണ് കടിയേറ്റത്. തിങ്കളാഴ്ച വൈകുന്നേരം നാലിന് ആണ് സംഭവം.
വീട്ടുമുറ്റത്ത് നിൽക്കുകയായിരുന്ന അയൽവാസികളെ നായ കടിക്കുകയായിരുന്നു. പരിക്കേറ്റവരെ അടൂർ താലൂക്ക് ആശുപത്രിയിൽ പ്രവേശിപ്പിച്ചു. അതേസമയം നായയെ പിടികൂടാനായിട്ടില്ല.
