പലര്ക്കും ശരീരഭാരം കുറയ്ക്കാനുള്ള മാര്ഗ്ഗങ്ങളില് തെറ്റായവ എന്തൊക്കെയാണെന്ന് അറിഞ്ഞുകൂടാ. അതിനാല് ഇക്കാര്യങ്ങളില് ശ്രദ്ധ വെയ്ക്കുകയും അഥവാ എന്തെങ്കിലും സംശയമുണ്ടെങ്കില് ഒരു ഡോക്ടറുടെ ഉപദേശം തേടുകയും ചെയ്യുക. (Stop trying these foods to lose weight will have the opposite effect)
ഒരു ദിവസത്തെ ഏറ്റവും പ്രധാനപ്പെട്ട ആഹാരമാണ് പ്രഭാത ഭക്ഷണം. ഒരു രാത്രി മുഴുവന് ഭക്ഷണം കഴിക്കാതിരുന്നതിന് ശേഷം തുടര്ന്ന് കഴിക്കുന്ന ഭക്ഷണമാണിത്. ദിവസം മുഴുവന് ദൈനംദിന ജോലികള് ചെയ്യാനുള്ള ഊര്ജ്ജം നല്കുന്നതും, ശാരീരിക പ്രവര്ത്തനങ്ങളെ സുഗമമാക്കുന്നതിനും പ്രഭാത ഭക്ഷണം അത്യന്താപേക്ഷിതമാണ്. അതിനാല് തന്നെ ഇത് ഒഴിവാക്കാതിരിക്കുക.
ഏറെ ദീര്ഘിച്ച ഇടവേളകളില് ഭക്ഷണം കഴിക്കുന്നതിനേക്കാള് നല്ലത് ഇടക്കിടക്ക് ലഘുഭക്ഷണങ്ങള് കഴിക്കുന്നതാണ്. ഏറെ നേരം ഭക്ഷണം കഴിക്കാതിരിക്കുന്നത് ആരോഗ്യത്തിന് ഭീഷണിയയയര്ത്തുന്നതാണ്. ഇത് ശാരീരിക പ്രവര്ത്തനങ്ങളെ മന്ദീഭവിപ്പിക്കുകയും, രക്തത്തിലെ പഞ്ചസാരയുടെ അളവില് ഏറ്റക്കുറച്ചിലുകളുണ്ടാക്കുകയും ചെയ്യും. ശരീരഭാരം കുറയാന് സഹായിക്കുമെങ്കിലും ഇത് ദോഷകരമായ രീതി തന്നെയാണ്.
ജലാംശം നഷ്ടപ്പെടുന്നതൊഴിവാക്കാന് പാനീയങ്ങള് കഴിക്കണം. എന്നാല് ഇത് അമിതമായാല് ശരീരഭാരം കൂടാനിടയാകും. ആവശ്യത്തിന് വ്യായാമമില്ലാതെ മദ്യം അമിതമായി ഉപയോഗിച്ചാലും അത് ശാരീരികപ്രവര്ത്തനങ്ങളെ ദോഷകരമായി ബാധിക്കും.
വറുത്ത ആഹാരസാധനങ്ങളും, ഹാംബര്ഗര് പോലുള്ള വയും ശരീരഭാരം കുറയ്ക്കുകയില്ല. എണ്ണകളും, കൊഴുപ്പും അമിതമായി അടങ്ങിയ ഇവ ശാരീരികപ്രവര്ത്തനങ്ങളെ മന്ദീഭവിപ്പിക്കുകയും ശരീരത്തിലെ കലോറി വര്ദ്ധിക്കുകയും ചെയ്യും.
