തിരുവനന്തപുരം: സംസ്ഥാനത്ത് 2023-24 വർഷത്തെ എസ് എസ് എൽ സി പരീക്ഷാ തിയതി പ്രഖ്യാപിച്ചു. തിരുവനന്തപുരത്ത് വിദ്യാഭ്യാസ മന്ത്രി വി ശിവൻകുട്ടിയാണ് പരീക്ഷാ തിയതികൾ പ്രഖ്യാപിച്ചത്. ഇതോടൊപ്പം പ്ലസ് വൺ, പ്ലസ് ടു പരീക്ഷാ തിയതികളും കലാമേള, കായികമേള, ശാസ്ത്രമേള എന്നിവയുടെ തിയതികളും വിദ്യാഭ്യാസ മന്ത്രി പ്രഖ്യാപിച്ചിട്ടുണ്ട്.
മാർച്ച് 4 ന് ആണ് എസ് എസ് എൽ സി പരീക്ഷ ആരംഭിക്കുന്നത്. പരീക്ഷ മാർച്ച് 25 ന് അവസാനിക്കും. എസ് എസ് എൽ സി മൂല്യനിർണയ ക്യാംപ് ഏപ്രിൽ 3 മുതൽ 17 വരെയായിരിക്കും. പ്ലസ് വൺ, പ്ലസ് ടു പരീക്ഷകൾ മാർച്ച് 1 മുതൽ 26 വരെ നടക്കും എന്നും ശിവൻകുട്ടി അറിയിച്ചു.
വേഗത്തിൽ തന്നെ ഫലം പ്രഖ്യാപിക്കും. കോഴിക്കോട്ട് നിപ്പാ വ്യാപനമുണ്ടായ സാഹചര്യത്തിൽ ജില്ലയിലെ മുഴുവൻ കുട്ടികൾക്കും ഓൺലൈൻ ക്ലാസ് സൗകര്യം ഒരുക്കിയതായും മന്ത്രി വിശദീകരിച്ചു.
Read Also : ലോകം ഇന്ത്യയെ പുകഴ്ത്തുന്നു : പ്രധാനമന്ത്രി
