തനിക്ക് ഓട്ടിസം ഉണ്ടെന്ന് ഗായിക ജ്യോത്സന

തനിക്ക് ഓട്ടിസം ഉണ്ടെന്ന് ഗായിക ജ്യോത്സന

മലയാളികൾക്ക് മാത്രമല്ല അന്യഭാഷക്കാർക്കിടയിലും നിരവധി ആരാധകരുള്ള ഗായികയാണ് ജ്യോത്സന രാധാകൃഷ്ണൻ. 2002ൽ ഗാനലോകത്തേക്ക് കടന്നു വന്ന ജ്യോത്സനയുടെ ഒട്ടനവധി ഗാനങ്ങളിലൂടെ ജന്മനസ്സ് കീഴടക്കി.

നിലവിൽ ഗാനാലാപനത്തിനു പുറമെ സ്റ്റേജ് ഷോകൾ ചെയ്തും റിയാലിറ്റി ഷോകളിൽ ജ‍‍ഡ്ജായുമൊക്കെ സജീവമാണ് അവർ. എന്നാൽ ഇപ്പോഴിതാ തനിക്ക് ഓട്ടിസം ഉണ്ടെന്ന് വെളിപ്പെടുത്തിയിരിക്കുകയാണ് ജ്യോത്സന.

കുട്ടിക്കാലത്തെ ഷൈൻ ഇങ്ങനെ ആയിരുന്നില്ല

‘ടെഡ് എക്സ് ടോക്സി’ന്റെ ദി അൺസങ് സെൽഫ് എന്ന പരിപാടിയിൽ ആയിരുന്നു ഗായികയുടെ തുറന്നു പറച്ചിൽ.മൂന്ന് ടെസ്റ്റുകൾ നടത്തിയതിന് പിന്നാലെയാണ് താൻ ഹൈലി മാസ്കിങ് ഓട്ടിസ്റ്റിക് അഡൾട്ട് ആണ് താനെന്ന് കണ്ടെത്തിയതെന്ന് ജ്യോത്സന പറയുന്നു.

“ഓട്ടിസം ഉണ്ടെന്ന് ഉറപ്പിക്കുന്നതിനായി മൂന്ന് ടെസ്റ്റുകളാണ് നടത്തിയത്. ഒടുവിൽ രോ​ഗം കണ്ടെത്തി. അതും ഏറെ വൈകിയാണ് കണ്ടെത്തിയത്. അതെ ഹൈലി മാസ്കിങ് ഓട്ടിസ്റ്റിക് അഡൾട്ട് ആണ് ഞാൻ”. എന്നാണ് ജ്യോത്സനയുടെ വെളിപ്പെടുത്തൽ.

ഇവരെന്താണ് ഈ പറയുന്നത്. കണ്ടാൽ ഓട്ടിസം ഉണ്ടെന്ന് തോന്നുന്നില്ലല്ലോ എന്നൊക്കെ ചിലർ ചോദിക്കും എന്നും അവർ പറഞ്ഞു. എന്നാൽ എല്ലാ മനുഷ്യരും ഏതെങ്കിലും രീതിയിൽ ഓട്ടിസ്റ്റിക് ആണെന്ന് ചിലർ പറയാറുണ്ട്. ഒരിക്കലും അതങ്ങനെ അല്ല എന്നും ജ്യോത്സന വ്യക്തമാക്കി.

ഒന്നുകിൽ നിങ്ങൾ ഓട്ടിസ്റ്റിക് ആയിരിക്കും അല്ലെങ്കിൽ ഓട്ടിസ്റ്റിക് അല്ലായിരിക്കും. വ്യത്യസ്തമായ രീതിയിൽ ലോകത്തെ കാണുകയും അറിയുകയും ചെയ്യുന്നൊരു കാര്യമാണത്.

ഓട്ടിസ്റ്റിക് ആണെന്ന് കണ്ടെത്തിയ നിമിഷം എന്റെ ജീവിതത്തിലെ ഞാൻ ചോദിച്ച നിരവധി ചോദ്യങ്ങൾക്കുള്ള ഉത്തരമായിരുന്നു. എന്തുകൊണ്ടാണ് പല കാര്യങ്ങളിലും വൈകാരികമായി പ്രതികരിച്ചു കൊണ്ടിരുന്നതെന്ന് മനസിലായി.

അത്തരത്തിൽ നിരവധി ചോദ്യങ്ങൾ. ഓട്ടിസ്റ്റിക്കായവർ അനുഭവിക്കുന്ന കഷ്ടപ്പാടുക​ളൊന്നും ആരും അറിയുന്നില്ല. പുറത്തു കാണാൻ സാധിക്കയും ഇല്ല”, എന്നുമായിരുന്നു ജ്യോത്സനയുടെ വെളിപ്പെടുത്തൽ.

ഗായികയുടെ വെളിപ്പെടുത്തലിനെ അഭിനന്ദിച്ചും പിന്തുണ നൽകിയും നിരവധി പേരാണ് രംഗത്തെത്തിയിരിക്കുന്നത്. ഗായക ലോകത്തു നിന്നുള്ളവരടക്കം ജ്യോത്സനയെ അഭിനന്ദിച്ചുകൊണ്ട് ഇൻസ്റ്റാഗ്രാമിൽ സ്റ്റോറികൾ പങ്കുവെച്ചിട്ടുണ്ട്.

തന്റെ തുറന്ന് പറച്ചിൽ എന്തിനായിരുന്നെന്നും ജ്യോത്സന വ്യക്തമാക്കി. ഓട്ടിസത്തെ കുറിച്ച് കൂടുതല്‍ അവബോധം സൃഷ്ടിക്കാനാണ് ഞാൻ ഇത് തുറന്നുപറയുന്നത്. എന്റെ ജീവിതത്തിലുടനീളം ഞാന്‍ ചോദിച്ചിട്ടുള്ള അതേ ചോദ്യങ്ങള്‍ ഇപ്പോഴും സ്വയം ചോദിക്കുന്ന നിരവധി പേര്‍ സമൂഹത്തിലുണ്ട് എന്നും ജ്യോത്സന ചൂണ്ടിക്കാട്ടി.

Summary: Singer Jyotsna has openly has openly reveals her autism diagnosis. Through her courageous disclosure, she aims to break the stigma around neurodiversity and inspire others to embrace their unique identities. Fans and supporters have praised her honesty and strength.