2005ല്‍ പുറത്തിറങ്ങിയ ‘ചന്ദ്രമുഖി’യുടെ സീക്വല്‍ ആണ് പുതിയ ചിത്രം. ‘ഈ സെപ്റ്റംബറില്‍ അവള്‍ തിരികെയെത്തുകയാണ്. നിങ്ങള്‍ തയാറാണോ?’ എന്നാണ് പോസ്റ്ററിനൊപ്പം കങ്കണ കുറിച്ചത്. വടിവേലു, രാധിക ശരത്കുമാര്‍, ലക്ഷ്മി മേനോന്‍ എന്നിവരും പ്രധാന താരങ്ങളാണ്.
ഹൊറര്‍-കോമഡി ചിത്രം ‘ചന്ദ്രമുഖി 2’ന്റെ റിലീസ് പ്രഖ്യാപിച്ച് കങ്കണ റണൗട്ട്. ഫസ്റ്റ് ലുക്ക് പോസ്റ്റര്‍ പങ്കുവച്ചുകൊണ്ട് ഗണേശ ചതുര്‍ത്ഥിക്ക് ചിത്രമെത്തുമെന്നാണ് താരം അറിയിച്ചത്. രാഘവ ലോറന്‍സ് മാത്രമാണ് ഫസ്റ്റ് ലുക്ക് പോസ്റ്ററിലുള്ളത്.
ലൈക്ക പ്രൊഡക്ഷന്‍സ് ആണ് നിര്‍മ്മാണം. തമിഴിന് പുറമെ ഹിന്ദി, തെലുങ്ക്, മലയാളം, കന്നഡ ഭാഷകളിലും ചിത്രത്തിന് റിലീസ് ഉണ്ട്. ഓസ്‌കര്‍ ജേതാവ് എം എം കീരവാണിയാണ് സംഗീതം. രജനികാന്ത്, ജ്യോതിക, പ്രഭു എന്നിവര്‍ കേന്ദ്ര കഥാപാത്രങ്ങളായ ചന്ദ്രമുഖി, മലയാള ചിത്രം ‘മണിചിത്രത്താഴി’ന്റെ റീമേക്ക് ആണ്. തമിഴിന് പുറമെ ഹിന്ദിയിലും മണിചിത്രത്താഴ് റീമേക്ക് ചെയ്യപ്പെട്ടു. അക്ഷയ് കുമാര്‍, വിദ്യ ബാലന്‍, ഷൈനി അഹൂജ എന്നിവര്‍ കേന്ദ്രകഥാപാത്രങ്ങളായ ‘ഭൂല്‍ ഭുലയ്യ’യായിരുന്നു ഹിന്ദി പതിപ്പ്.
