സ്കോൾ കേരള ഡിപ്ലോമ ഇൻ യോഗിക് സയൻസ് കോഴ്സ്: യോഗ ഇൻസ്ട്രക്ടർ പാനലിലേക്ക് അവസരം
തിരുവനന്തപുരം: സ്കോൾ കേരളയുടെ ഡിപ്ലോമ ഇൻ യോഗിക് സയൻസ് ആന്റ് സ്പോർട്സ് യോഗ കോഴ്സിന് യോഗ ഇൻസ്ട്രക്ടർമാരുടെ പാനലിലേക്ക് യോഗ്യതയുള്ള ഉദ്യോഗാർഥികളിൽ നിന്ന് അപേക്ഷ ക്ഷണിച്ചു.
താൽപര്യമുള്ളവർ www.scolekerala.org വെബ്സൈറ്റിലെ “Application for Yoga Instructor” ലിങ്ക് വഴി ജനുവരി 26-നകം ഓൺലൈനായി അപേക്ഷ സമർപ്പിക്കണം.
യോഗ്യതകൾ
അംഗീകൃത സർവകലാശാലയിൽ നിന്ന് 50 ശതമാനത്തിൽ കുറയാത്ത മാർക്കോടെ താഴെപ്പറയുന്ന യോഗ്യതകളിലേതെങ്കിലും ഉള്ളവർക്ക് അപേക്ഷിക്കാം:
- എം.എസ്.സി യോഗ
- ബാച്ചിലർ ഓഫ് ന്യൂറോപതി ആന്റ് യോഗിക് സയൻസ്
- ബാച്ചിലർ ഓഫ് ആയുർവേദിക് മെഡിസിൻ ആന്റ് സർജറി (BAMS)
- ആറുമാസത്തിൽ കുറയാത്ത യോഗ സർട്ടിഫിക്കറ്റ് / ഡിപ്ലോമ കോഴ്സ്
പ്രതിഫലവും ക്ലാസ് സമയവും
ക്ലാസുകൾ പൊതു അവധി ദിവസങ്ങളിലായിരിക്കും നടത്തുക.
ഒരു മണിക്കൂറിന് 300 രൂപ വീതമാണ് പ്രതിഫലം.
അപേക്ഷ സമർപ്പിക്കേണ്ട രീതി
എസ്.എസ്.എൽ.സി സർട്ടിഫിക്കറ്റ്, യോഗ്യത തെളിയിക്കുന്ന രേഖകൾ എന്നിവയുടെ പകർപ്പുകൾ ഓൺലൈനായി അപ്ലോഡ് ചെയ്യണം.
ഓൺലൈൻ അപേക്ഷ പൂർത്തിയാക്കിയ ശേഷം അപേക്ഷയുടെ പ്രിന്റ് ഔട്ട്, ഗസറ്റഡ് ഓഫീസർ സാക്ഷ്യപ്പെടുത്തിയ സർട്ടിഫിക്കറ്റ് പകർപ്പുകൾ, ഇവയെല്ലാം സ്കോൾ കേരള സംസ്ഥാന ഓഫീസിലേക്ക് അയക്കണം.
English Summary:
SCOLE Kerala has invited applications to prepare a panel of Yoga Instructors for its Diploma in Yogic Science and Sports Yoga course. Eligible candidates with recognized qualifications in yoga or related disciplines can apply online through the official SCOLE Kerala website by January 26. Classes will be held on public holidays, and selected instructors will receive an honorarium of ₹300 per hour.
