കൊച്ചി: വീട് വാടകയ്ക്ക് എടുത്ത് കഞ്ചാവു കച്ചവടം നടത്തിയ അതിഥി തൊഴിലാളികൾ പിടിയിൽ. ഒഡീഷ സ്വദേശികളായ സരോജ് ബഹ്റ ഇയാളുടെ ഭാര്യാ മാതാവ് മാലതി ഡെഹുരി എന്നിവരാണ് പെരുമ്പാവൂർ പോലീസിൻ്റെ പിടിയിലായത്.
ഇവരുടെ പക്കൽ നിന്ന് രണ്ടു കിലോ കഞ്ചാവാന്ന് കണ്ടെടുത്തത്. ഒഡീഷയിൽ നിന്ന് വാങ്ങുന്ന കഞ്ചാവ് പെരുമ്പാവൂരിലെ വാടക വീട്ടിൽ എത്തിച്ച ശേഷം ചില്ലറ വിൽപ്പന നടത്തുകയായിരുന്നു ഇരുവരും. രഹസ്യ വിവരത്തെ തുടർന്ന് ഇവർ പോലീസിൻ്റെ നിരീക്ഷണത്തിലായിരുന്നു.
കഞ്ചാവ് കേരളത്തിൽ എത്തിച്ചവരെ കണ്ടെത്തുന്നതിന് അന്വേഷണം തുടങ്ങിയെന്ന് പോലീസ് പറഞ്ഞു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
