തിരുവനന്തപുരം: സംസ്ഥാനത്ത് വേനല് മഴ സാധ്യത. ഇന്ന് 11 ജില്ലകളില് മിതമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, വയനാട്, കണ്ണൂര് ജില്ലകളിലാണ് മുന്നറിയിപ്പ്.
നാളെ എട്ട് ജില്ലകളില് മഴ മുന്നറിയിപ്പ് ഉണ്ട്. വയനാട്, പാലക്കാട്, തൃശൂര്,എറണാകുളം, ഇടുക്കി, എറണാകുളം, പത്തനംതിട്ട ജില്ലകളിലാണ് മുന്നറിയിപ്പ്. ജില്ലകളില് മിതമായതോ നേരിയതോ ആയ മഴയ്ക്ക് സാധ്യതയുണ്ട്.
അതേസമയം, സംസ്ഥാനത്തെ ചൂട് 40 ഡിഗ്രിയോടടുക്കുന്നു. കഴിഞ്ഞ ശനിയാഴ്ച ഈ സീസണിലെ ഏറ്റവും ഉയര്ന്ന ചൂട് കൊല്ലം ജില്ലയിലെ പുനലൂരില് രേഖപ്പെടുത്തി(39.6 ഡിഗ്രി സെല്ഷ്യസ്). വേനല്മഴ കനിഞ്ഞില്ലെങ്കില് ഈ മാസം തന്നെ ചൂട് 40 ഡിഗ്രി സെല്ഷ്യസ് കടക്കുമെന്നാണ് സംസ്ഥാന കാലാവസ്ഥ നിരീക്ഷണ കേന്ദ്രത്തിന്റെ പ്രവചനം.
