പാലക്കാട്: ആലത്തൂർ മണ്ഡലം ഇടത് സ്ഥാനാർഥി കെ രാധാകൃഷ്ണൻ്റെ ബോർഡിന് തീ പിടിച്ചു. കുഴൽമന്ദം ചന്തപ്പുര ജംക്ഷനിൽ സ്ഥാപിച്ച ബോർഡിനാണ് തീപിടിച്ചത്. ഫ്ളക്സ് തീയിട്ട് നശിപ്പിച്ചതെന്ന് സിപിഎം ആരോപിച്ചു.
ഇന്നലെ രാത്രി 12 മണിയോടെയായിരുന്നു സംഭവം. തീ സമീപത്തെ പറമ്പിലേക്കും പടർന്നു പിടിച്ചു. ഫയർഫോഴ്സ് എത്തിയാണ് തീ അണച്ചത്. സംഭവത്തെക്കുറിച്ച് പോലീസ് അന്വേഷണമാരംഭിച്ചു. യൂത്ത് കോൺഗ്രസ് പ്രവർത്തകരാണ് സംഭവത്തിന് പിന്നിലെന്നും എൽഡിഎഫ് ആരോപിച്ചു.
Read Also: കട്ടപ്പന ഇരട്ടകൊലക്കേസിൽ ദൃശ്യം മോഡൽ ട്വിസ്റ്റ് !
