കോണ്ഗ്രസ് നേതാവ് രാഹുല് ഗാന്ധി ഉത്തര്പ്രദേശിലെ റായ്ബറേലിയില് നാമനിര്ദേശ പത്രിക സമര്പ്പിച്ചു. വയനാട് ലോക്സഭ മണ്ഡലത്തിന് പുറമെയാണ് രണ്ടാം സീറ്റായി റായ്ബറേലിയിലാണ് രാഹുല് ഗാന്ധി മത്സരിക്കുന്നത്. ഇന്ന് ഉച്ചയോടെ അമ്മ സോണിയ ഗാന്ധിയ്ക്കും, പ്രിയങ്ക ഗാന്ധിയ്ക്കും, കോണ്ഗ്രസ് അധ്യക്ഷൻ മല്ലികാര്ജുൻ ഖര്ഗെക്കും മറ്റ് കോണ്ഗ്രസ് നേതാക്കള്ക്കുമൊപ്പമെത്തിയാണ് രാഹുല് വരണാധികാരിക്ക് മുമ്പാകെ നാമനിര്ദേശ പത്രിക നല്കിയത്. റായ്ബറേലിയിലെത്തിയ രാഹുലിന് വലിയ സ്വീകരണമാണ് പ്രവര്ത്തകര് നല്കിയത്. റായ്ബറേലിയുമായുള്ള ആത്മബന്ധം ചൂണ്ടിക്കാട്ടുമ്പോഴും വിജയസാധ്യത കണക്കിലെടുത്ത് തന്നെയാണ് കോൺഗ്രസ് നീക്കം. അതേസമയം അമേഠിയിൽ ഗാന്ധി കുടുംബത്തിന്റെ വിശ്വസ്തൻ കിശോരി ലാല് ശർമ പത്രിക നല്കി.
Read Also: മാസപ്പടി കേസ് : ഹർജിയിൽ വിധി പറയുന്നത് മെയ് ആറിലേക്ക് മാറ്റി
