വയനാടിന്റെ കണ്ണീരൊപ്പാൻ രാഹുലും പ്രിയങ്കയും; ക്യാമ്പുകൾ സന്ദർശിച്ചു

കല്‍പ്പറ്റ: ഉരുൾപൊട്ടലിനെ തുടർന്ന് ദുരന്ത ഭൂമിയായി മാറിയ വയനാട് സന്ദർശിച്ച് ലോക്‌സഭാ പ്രതിപക്ഷ നേതാവ് രാഹുൽ ഗാന്ധിയും സഹോദരി പ്രിയങ്ക ഗാന്ധിയും. വ്യാഴാഴ്ച ഉച്ചയോടെയാണ് ഇരുവരും ചൂരൽമല സന്ദർശിച്ചത്. എഐസിസി ജനറല്‍ സെക്രട്ടറിയും എംപിയുമായ കെസി വേണുഗോപാല്‍, പ്രതിപക്ഷ നേതാവ് വിഡി സതീശന്‍, ടി സിദ്ധിഖ് എംഎല്‍എ എന്നിവരും ഒപ്പമുണ്ടായിരുന്നു.(Rahul gandhi and priyanka gandhi visit wayanad landslide spot)

ബെയ്‌ലി പാലം കടന്ന് മറുകരയിലെത്തിയ രാഹുല്‍ ഗാന്ധി രക്ഷാപ്രവര്‍ത്തനം നടത്തുന്ന സൈനികരുമായി സംസാരിച്ചു. തുടർന്ന് മേപ്പാടിയിലെ കമ്മ്യൂണിറ്റി ഹെല്‍ത്ത് സെന്ററിലും ഇവര്‍ സന്ദര്‍ശനം നടത്തി. തുടര്‍ന്ന് ഡോ. മൂപ്പന്‍സ് മെഡിക്കല്‍ കോളജിലും രണ്ട് ദുരിതാശ്വാസ ക്യാംപുകളിലും സന്ദര്‍ശിച്ചു.

രാവിലെ ഒന്‍പത് മണിക്ക് കണ്ണൂര്‍ വിമാനത്താവളത്തിലെത്തിയ രാഹുലും പ്രിയങ്കയും റോഡ് മാര്‍ഗമാണ് വയനാട്ടിലെത്തിയത്.