കണ്ണൂര്: കണ്ണൂരിൽ പഞ്ചായത്ത് പ്രസിഡന്റിനെതിരെ ജാമ്യമില്ലാ വകുപ്പ് പ്രകാരം പോലീസ് കേസെടുത്തു. നടുവിൽ പഞ്ചായത്ത് പ്രസിഡന്റ് ബേബി ഓടംപള്ളിക്കെതിരെയാണ് കേസെടുത്തത്. കുടുംബശ്രീ പ്രവർത്തകയോട് അപമര്യാദയായി പെരുമാറിയെന്ന പരാതിയിലാണ് നടപടി.(Police registered case against the panchayat president in kannur)
നടുവില് പഞ്ചായത്തിലെ ഒരു വാര്ഡിലെ കുടുംബശ്രീ യൂണിറ്റ് സെക്രട്ടറിയാണ് പരാതിക്കാരി. കഴിഞ്ഞ 13ന് 3.30ഓടെയാണ് കേസിനാസ്പദമായ സംഭവം നടന്നത്. കുടുംബശ്രീയുടെ വായ്പാ സബ്സിഡിയുമായി ബന്ധപ്പെട്ട കാര്യങ്ങള് സംസാരിക്കാനായി പഞ്ചായത്ത് ഓഫീസിലെ പ്രസിഡന്റിന്റെ മുറിയിലെത്തിയപ്പോള് കയ്യില് കടന്നുപിടിച്ചെന്നും അസഭ്യമായ രീതിയില് സംസാരിച്ചെന്നുമാണ് പരാതി.
പ്രസിഡന്റിന്റെ പെരുമാറ്റം ദുരുദ്ദേശ്യത്തോടെയാണെന്നും സ്ത്രീത്വത്തെ അപമാനിക്കുന്നതാണെന്നും മാനഹാനിയുണ്ടാക്കുന്നതാണെന്നും ആരോപിച്ചാണ് കുടുംബശ്രീ പ്രവര്ത്തക പരാതി നൽകിയത്. ബാഹ്യസമ്മര്ദത്തെ തുടര്ന്നാണ് കഴിഞ്ഞ കുറച്ചു ദിവസങ്ങളായി പരാതി നല്കാതിരുന്നതെന്നും പരാതിക്കാരി വ്യക്തമാക്കി. യുഡിഎഫ് ആണ് നടുവില് പഞ്ചായത്ത് ഭരിക്കുന്നത്.
