നിർത്താതെ പെയ്തമഴ നരേന്ദ്രമോദി സ്റ്റേഡിയത്തിൽ ഗുജറാത്ത് ടൈറ്റൻസിന്റെ അവസാന പ്രതീക്ഷയെയും തല്ലിക്കെടുത്തി. കൊൽക്കത്ത നൈറ്റ് റൈഡേഴ്സുമായുള്ള ഗുജറാത്തിന്റെ നിർണായ പോരാട്ടം മഴ മൂലം ഉപേക്ഷിക്കേണ്ടി വന്നതോടെ പ്ലേ ഓഫ് കാണാതെ ഗുജറാത്ത് പുറത്തായി.13 മത്സരങ്ങളില് നിന്ന് 11 പോയിന്റുമായി എട്ടാമതുള്ള ഗുജറാത്തിന് ഇന്നത്തെ മത്സരത്തില് വിജയം അനിവാര്യമായിരുന്നു. എന്നാല് ആ വിദൂര സാധ്യതയ്ക്ക് മീതെ മഴ വില്ലനായപ്പോള് പ്ലേ ഓഫില് നിന്ന് പുറത്താവുന്ന മൂന്നാമത്തെ ടീമായി ഗുജറാത്ത് മാറി. രാത്രി 10.40വരെ ടോസിടാൻ പോലുമാകാതെ വന്നതോടെയാണ് ഇരു ടീമുകളും ഒരോ പോയിന്റ് പങ്കിട്ടെടുത്ത് മത്സരം ഉപേക്ഷിച്ചത്. ഒരു മത്സരം മാത്രം ബാക്കിയുള്ള ഗുജറാത്തിന് ഒൻപത് പോയിന്റ് മാത്രമാണുള്ളത്. നേരത്തെ തന്നെ പ്ലേ ഓഫിലേക്ക് ടിക്കറ്റ് ഉറപ്പിച്ച ടീമാണ് കൊല്ക്കത്ത. 13 മത്സരങ്ങളില് നിന്ന് 19 പോയിന്റുമായി നിലവില് ഒന്നാമതാണ് കൊല്ക്കത്ത.
Read also: ലോക്സഭാ തെരഞ്ഞെടുപ്പ്: നാലാം ഘട്ടത്തില് 62.9 % പോളിങ്; ഏറ്റവും കൂടുതൽ ബംഗാളിൽ, കുറവ് ഇവിടെ
