തിരുവനന്തപുരം: പേട്ടയില് കാണാതായ രണ്ട് വയസുകാരിയെ കണ്ടെത്തി. ബ്രഹ്മോസിന്റെ പുറക് വശത്തുള്ള റെയില്വേ ട്രാക്കിന് സമീപമുള്ള ഓടയില് നിന്നാണ് കുട്ടിയെ കണ്ടെത്തിയത്. കുട്ടിയെ മെഡിക്കല് പരിശോധനക്കായി ആശുപത്രിയിലേക്ക് മാറ്റി.
കാണാതായി 19 മണിക്കൂറുകൾക്കു ശേഷമാണ് കുട്ടിയെ കണ്ടെത്തിയത്. സംഭവവുമായി ബന്ധപ്പെട്ട് നിലവില് ആരും കസ്റ്റഡിയില് ഇല്ല. ബിഹാർ ദമ്പതികളുടെ മകളെയാണ് കാണാതായത്. പേട്ട ഓള് സെയിന്റ്സ് കോളേജിന് സമീപത്ത് നിന്നാണ് കുട്ടിയെ കാണാതായത്.
മൂന്നു സഹോദരങ്ങൾക്ക് ഒപ്പം കിടന്നുറങ്ങവേയാണ് രണ്ടു വയസ്സുകാരിയെ തട്ടിക്കൊണ്ടു പോയതെന്നാണ് മാതാപിതാക്കൾ പറഞ്ഞത്. ഒരുമണിക്കുശേഷം ഉണർന്നപ്പോൾ കുട്ടിയെ കണ്ടില്ലെന്നാണ് ഇവർ പൊലീസിനു മൊഴി നൽകിയത്.
