കൊച്ചി: പെരുമ്പാവൂരിൽ അതിഥി തൊഴിലാളിയെ കുത്തിക്കൊലപ്പെടുത്തി. വട്ടയ്ക്കാട്ടുപടി എസ്എൻഡിപിക്ക് സമീപം കുടുംബമായി വാടകയ്ക്ക് താമസിച്ചിരുന്ന ഒഡീഷ സ്വദേശി ആകാശ് ഡിഗൽ(34) ആണ് കൊല്ലപ്പെട്ടത്. സംഭവശേഷം പ്രതി ഒഡീഷ സ്വദേശി അഞ്ജന നായിക്ക് ഓടി രക്ഷപ്പെട്ടു.(perumbavoor Migrant worker)
വട്ടക്കാട്ടുപടി നെടുംപുറത്ത് ബിജുവിന്റെ വാടക കെട്ടിടത്തിലാണ് ആകാശും കുടുംബവും താമസിക്കുന്നത്. ഇതേ കെട്ടിടത്തിൽ താമസിച്ചിരുന്ന അഞ്ജന നായിക്കുമായി ഉണ്ടായ വാക്കുതർക്കമാണ് കത്തിക്കുത്തിൽ കലാശിച്ചത്. രാവിലെ 7.30ന് ആയിരുന്നു സംഭവം. പരിക്കേറ്റ ആകാശിനെ ഉടൻ താലൂക്ക് ആശുപത്രിയിൽ എത്തിച്ചുവെങ്കിലും മരണം സംഭവിച്ചു.
മൃതദേഹം പെരുമ്പാവൂർ താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. കൊലപാതകത്തിൽ പെരുമ്പാവൂർ പൊലീസ് സ്ഥലത്തെത്തി അന്വേഷണം ആരംഭിച്ചു. പ്രതിക്കായുള്ള തെരച്ചിൽ ഊർജ്ജിതമാക്കിയതായി പൊലീസ് അറിയിച്ചു.
Read Also: പൊതുജനങ്ങളോടുളള പെരുമാറ്റ രീതിയില്‍ മാറ്റം വരുത്തിയില്ലെങ്കിൽ…..മേയർക്ക് മുന്നറിയിപ്പുമായി സിപിഎം
