സൂര്യൻ ഉച്ചരാശിയിൽ; നന്മയുടെയും ഐശ്വര്യത്തിന്റെയും പത്താമുദയം ഇന്ന്
Thiruvananthapuram: മേട മാസത്തിലെ പത്താം ദിനമായ ഇന്ന് ‘പത്താമുദയം’ ആചരിക്കുന്നു. ജ്യോതിഷപരമായി സൂര്യൻ അത്യുച്ച രാശിയിൽ പ്രവേശിക്കുന്ന ദിനമായതിനാൽ ഏറെ ശുഭകരമായ ദിവസമായി ഇത് കണക്കാക്കപ്പെടുന്നു.
സൂര്യദേവനുമായി ബന്ധപ്പെട്ട ഏറ്റവും പ്രധാനപ്പെട്ട ദിവസങ്ങളിലൊന്നായ പത്താമുദയം, ഏത് ശുഭകാര്യവും ആരംഭിക്കാനുതകുന്ന ദിനമാണെന്ന് വിശ്വാസം. ഭക്തിയോടെ സൂര്യനെ സ്മരിച്ചാൽ രോഗദുരിതങ്ങളിൽ നിന്നും മോചനം ലഭിക്കുമെന്നാണ് വിശ്വാസം.
കാർഷിക പ്രവർത്തനങ്ങൾക്ക് തുടക്കമിടുന്നതിനും ഈ ദിവസം ഏറെ പ്രാധാന്യമുണ്ട്. ചില പ്രദേശങ്ങളിൽ കർഷകർ തങ്ങളുടെ പണിയായുധങ്ങൾ പൂജിക്കുന്ന പതിവുമുണ്ട്. ഗൃഹപ്രവേശം പോലുള്ള ചടങ്ങുകൾക്കും ഈ ദിവസം അനുയോജ്യമാണെന്ന് കരുതുന്നു.
ക്ഷേത്രങ്ങളിൽ പ്രത്യേക പൂജകളും ചടങ്ങുകളും നടക്കും. വീടുകളിലും ക്ഷേത്രങ്ങളിലും പത്ത് തിരിയിട്ട് വിളക്ക് തെളിയിക്കുന്ന ആചാരവും പത്താമുദയത്തിന്റെ ഭാഗമായി തുടരുന്നു.
English Summary
In Thiruvananthapuram, the auspicious day of Pathamudayam is observed today, marking the tenth day of the Malayalam month Medam.
It is considered highly significant as the Sun reaches its peak position astrologically. The day is believed to be ideal for starting new ventures, performing rituals, and agricultural activities.
Devotees worship the Sun God for relief from ailments, and special prayers are conducted in temples and homes. Lighting ten wicks in lamps is also a traditional practice on this day.
pathamudayam-2026-significance-rituals-kerala
Pathamudayam, Kerala Festival, Astrology, Sun Worship, Rituals, Malayalam Calendar, Kerala News
