രക്ഷയില്ല ! പാമ്പുശല്യം കൊണ്ട് പൊറുതിമുട്ടി പരിയാരം മെഡിക്കൽ കോളേജ്; ഇത്തവണ സ്പെഷ്യല്‍ വാര്‍ഡിലെ ശുചിമുറിയിൽ

പാമ്പ് ശല്യം കൊണ്ട് പൊരുതി മുട്ടി പരിയാരം മെഡിക്കൽ കോളേജ്. സ്പെഷ്യല്‍ വാര്‍ഡിലെ ശുചിമുറിക്കുള്ളിലാണ് പാമ്പിനെ കണ്ടത്. 503-ാം നമ്പര്‍ സ്പെഷ്യല്‍ വാര്‍ഡിലെ ശുചിമുറിയിലാണ് ഇന്ന് രാവിലെ പാമ്പിനെ കണ്ടത്. Pariyaram Medical College struggling with snake infestation

ഉഗ്ര വിഷമുള്ള വെള്ളിക്കെട്ടനെ കണ്ടെത്തിയത്തിനു പിന്നാലെയാണ് ഈ സംഭവം. 15 കുഞ്ഞുങ്ങളും നഴ്‌സുമാരും ആ സമയം ഐസിയുവിലുണ്ടായിരുന്നു. അകത്ത് നിന്ന് പാമ്പ് പുറത്തേക്ക് വരുന്നത് കൂട്ടിരിപ്പുകാര്‍ കാണുകയായിരുന്നു.

ആശുപത്രിക്ക് ചുറ്റും പടര്‍ന്നുകയറിയ ചെടികളില്‍ നിന്നാണ് പാമ്പ് വരുന്നതെന്നാണ് നിഗമനം. ഇതിനും മുമ്പ് ആശുപത്രിയുടെ എട്ടാം നിലയില്‍ മൂര്‍ഖന്‍ പാമ്പ് കയറിയിരുന്നു.

സെപ്തംബര്‍ 19ന് നവജാതശിശുക്കളുടെ ഐസിയുവില്‍ നിന്ന് പാമ്പിനെ കണ്ടെത്തിയിരുന്നു. അന്ന് സ്ഥലത്തുണ്ടായിരുന്നവര്‍ പാമ്പിനെ തല്ലിക്കൊല്ലുകയായിരുന്നു.