നെയ്യാറ്റിൻകര കുടുംബക്ഷേത്രത്തിലെ വിഗ്രഹങ്ങൾക്കിടയിൽ 30 ലിറ്റർ മദ്യം; തിരഞ്ഞെടുപ്പ് സ്റ്റോക്ക്, ‘പോറ്റി’ അറസ്റ്റിൽ
തിരുവനന്തപുരം: നെയ്യാറ്റിൻകര, പുന്നക്കാട് പ്രദേശത്തെ ഒരു കുടുംബ ക്ഷേത്രത്തില് വിഗ്രഹങ്ങൾക്കും ദൈവഫോട്ടോകൾക്കുമിടയിൽ 30 ലിറ്റര് മദ്യം ഒളിപ്പിച്ച നിലയിൽ എക്സൈസ് സംഘം കണ്ടെത്തി.
തെരഞ്ഞെടുപ്പ് സ്പെഷ്യല് ഡ്രൈവിന്റെ ഭാഗമായ പരിശോധനയിലാണ് മദ്യം പിടിച്ചെടുത്തത്.
‘പോറ്റി’ എന്ന വിളിപ്പേരില് അറിയപ്പെട്ട പുന്നക്കാട് സ്വദേശി അർജുനനെയാണ് എക്സൈസ് കസ്റ്റഡിയിലെടുത്ത് അറസ്റ്റ് ചെയ്തത്.
തെരഞ്ഞെടുപ്പ് ലക്ഷ്യമാക്കി വലിയ തോതിൽ മദ്യം ശേഖരിച്ച് ആവശ്യക്കാർക്ക് കൂടിയ വിലക്ക് വിൽപ്പന നടത്തിയതായി അന്വേഷണത്തിൽ സ്ഥിരീകരിച്ചിട്ടുണ്ട്.
ബസിലെ കഞ്ചാവ് കടത്ത് – 6 വര്ഷം തടവ്
2018 ജനുവരി 30-ന് തമിഴ്നാട് ട്രാന്സ്പോര്ട്ട് ബസില് വാളയാർ ടോൾപ്ലാസയ്ക്ക് സമീപം 1.5 കിലോഗ്രാം കഞ്ചാവുമായി എത്തിയ ഒന്നാം പ്രതി, ആലപ്പുഴ കുത്തിയതോട് സ്വദേശി ലിജോ (31)-യ്ക്ക് പാലക്കാട് സെക്കന്റ് അഡീഷണല് ജഡ്ജ് ഡി.സുധീർ ഡേവിഡ് 6 വര്ഷത്തെ കഠിനതടവും 2 ലക്ഷം രൂപ പിഴയും ശിക്ഷയായി വിധിച്ചു.
രണ്ടാം പ്രതി ശ്രീദേവ് (29)-ന് 2 വര്ഷത്തെ കഠിനതടവും 2 ലക്ഷം രൂപ പിഴയുമാണ് ശിക്ഷ.
കേസ് കണ്ടെത്തലും കോടതിയിലെ വാദവും
തൃത്താല റേഞ്ചിലെ അസിസ്റ്റന്റ് എക്സൈസ് ഇന്സ്പെക്ടർ എം.എസ്. പ്രകാശിന്റെ മേല്നോട്ടത്തില് നടന്ന വാഹന പരിശോധനയ്ക്കിടെയാണ് ലിജോയും ശ്രീദേവും പിടിയിലായത്.
പിന്നീട് പാലക്കാട് എക്സൈസ് റേഞ്ച് ഇന്സ്പെക്ടറായിരുന്ന എം. സജീവ് കുമാര് അന്വേഷണം പൂർത്തിയാക്കി കോടതിയില് കുറ്റപത്രം സമർപ്പിച്ചു.
എന്.ഡി.പി.എസ് സ്പെഷ്യൽ പ്രോസിക്യൂട്ടർ ശ്രീനാഥ് വേണുവാണ് പ്രോസിക്യൂഷൻ ഭാഗം അവതരിപ്പിച്ച് വാദിച്ചത്.
English Summary:
Excise seized 30 liters of illicit liquor hidden among idols inside a family temple in Neyyattinkara during an election drive, and arrested Arjun alias ‘Potti’ for overpricing and illegal sale. In a separate 2018 NDPS case in Walayar, Palakkad court sentenced 1st accused Lijo (31) to 6 years RI with 2 lakh fine, and 2nd accused Sreedev (29) to 2 years RI with 2 lakh fine. Aranmula excise found the case, M. Sajeev Kumar filed the charge-sheet, and prosecutor Srinath Venu argued it in court.
