കൊച്ചിയിൽ സംഘർഷത്തിൽ കൊലക്കേസ് പ്രതിയെ കുത്തിക്കൊലപ്പെടുത്തി; മരിച്ചത് ലാസർ കൊലക്കേസ് പ്രതി ലാൽജു

പള്ളുരുത്തിയിൽ ഇരുവിഭാഗങ്ങൾ തമ്മിൽ സംഘർഷം. സംഘ‍‍ര്‍ഷത്തിൽ ഒരാൾ മരിച്ചു. ആക്രമണത്തിൽ പരിക്കേറ്റ ഒരാൾ ചികിത്സയിലാണ്. ഇന്ന് വൈകുന്നേരമാണ് സംഭവം. വഴക്കിൽ ലാൽജു എന്നയാളാണ് കുത്തേറ്റ് മരിച്ചത്. കച്ചേരിപ്പടി സ്വദേശി ഫാജിസാണ് ഇയാളെ കുത്തിയതെന്ന് സംശയിക്കുന്നതായി പൊലീസ് പറഞ്ഞു. ആക്രമണത്തിന് ശേഷം ഇയാൾ ഒളിവിൽ പോവുകയായിരുന്നു. 2021ൽ കുമ്പളങ്ങിയിൽ നടന്ന ലാസർ കൊലക്കേസിലെ രണ്ടാം പ്രതിയാണ് കൊല്ലപ്പെട്ട ലാൽജു. പ്രതിക്കായി തിരച്ചിൽ തുടങ്ങിയതായി പോലീസ് അറിയിച്ചു. മരിച്ച ലാൽജുവിന്റെ മൃതദേഹം ആശുപത്രിയിലേക്ക് മാറ്റി. പ്രദേശത്ത് ലഹരി ഇടപാട് ഉല്‍പ്പെടെ സാമൂഹിക വിരുദ്ധ പ്രവര്‍ത്തനങ്ങള്‍ സ്ഥിരമാണെന്ന് നാട്ടുകാര്‍ ആരോപിച്ചു. സ്ഥലത്ത് വന്‍ പോലീസ് സന്നാഹം നിലയുറപ്പിച്ചിട്ടുണ്ട്.

Read Also: ശബരിമല മേൽശാന്തി നിയമനം മലയാള ബ്രാഹ്മണർക്ക് മാത്രം; വ്യവസ്ഥ മാറ്റണമെന്നാവശ്യപ്പെട്ടുള്ള ഹർജി തള്ളി ഹൈക്കോടതി