സിസിടിവി വരെ അടിച്ചുമാറ്റി എന്നിട്ടും പഞ്ചലോഹ വിഗ്രഹ മോഷ്ടാക്കൾ കുടുങ്ങി
മൂന്നാർ: വാഗുവരൈ കാളിയമ്മൻ ക്ഷേത്രത്തിൽ നടന്ന പഞ്ചലോഹ വിഗ്രഹ മോഷണത്തിൽ സിസിടിവി ക്യാമറയും മോഷ്ടിച്ചിട്ടും പ്രതികൾ മറയൂർ പോലീസ് പിടിയിലായി.
21 കിലോ തൂക്കമുള്ള, ഏകദേശം അഞ്ച് ലക്ഷം രൂപ വിലമതിക്കുന്ന വിഗ്രഹവും 2000 രൂപ വിലയുള്ള സിസിടിവി ക്യാമറകളും പോലീസ് കണ്ടെത്തി.
പ്രതികൾ:
തേനി ആണ്ടിപ്പെട്ടി മണിയ കാരൻ പെട്ടി ചർച്ച് സ്ട്രീറ്റിലെ എൽ. ശെൽവം (47) — വിഗ്രഹം മോഷ്ടിച്ചയാൾ.
തേനി ഉത്തമപാളയം രഘുനാഥപുരം ഈസ്റ്റ് സ്ട്രീറ്റിലെ ആർ. കുമരേശൻ (43) — വിഗ്രഹവും ക്യാമറയും വിലയ്ക്ക് വാങ്ങിയയാൾ.
2025 നവംബർ 6-ന് രാത്രിയാണ് ക്ഷേത്രത്തിലെ വാതിലിലെ പൂട്ട് പൊട്ടിച്ച് ഉത്സവത്തിൽ ഉപയോഗിക്കുന്ന വിഗ്രഹവും സിസിടിവി ക്യാമറകളും ശെൽവം മോഷ്ടിച്ചത്. നവംബർ 7-ന് രാവിലെ പൂജാരി ക്ഷേത്രത്തിൽ എത്തിയപ്പോൾ മോഷണം നടന്നതായി കണ്ടെത്തി.
മറയൂർ പോലീസ് സ്റ്റേഷനിൽ പരാതി നൽകിയതിനെ തുടർന്ന് ഇടുക്കി എസ്.പി. സാബു മാത്യുവിന്റെ നിർദേശപ്രകാരം മൂന്നാർ ഡിവൈഎസ്പി എസ്.ചന്ദ്രകുമാറിന്റെ നേതൃത്വത്തിൽ സ്പെഷ്യൽ സ്ക്വാഡ് അന്വേഷണം തുടങ്ങി.
ക്ഷേത്രപരിസരങ്ങളിൽ ക്യാമറകളില്ലാത്തതിനാൽ ബസുകളുടെ സിസിടിവി ദൃശ്യങ്ങൾ വിശകലനം ചെയ്തു.
തലയാർ ബസാറിനടുത്ത് തല മൂടിയ നിലയിൽ ബിഗ് ഷോപ്പർ കയ്യിൽ പിടിച്ച് നിൽക്കുന്നയാളുടെ ദൃശ്യങ്ങൾ അന്വേഷണത്തിന് വഴിതെളിച്ചു. ബസ് സ്റ്റേഷനിൽ ഇറങ്ങുന്ന ദൃശ്യങ്ങൾ അടിസ്ഥാനമാക്കി പ്രതിയെ തിരിച്ചറിഞ്ഞു.
തമിഴ്നാട് പൊലീസിന്റെ സഹായത്തോടെ മോഷണ കേസുകളിൽ മുൻകൂട്ടി ശിക്ഷ അനുഭവിച്ചിരുന്ന ശെൽവം പൂപ്പാറ ഭാഗത്ത് നിന്ന് പിടിയിലായി.
അന്വേഷണത്തിൻറെ അടിസ്ഥാനത്തിൽ ഉത്തമപാളയം പണിയപുരത്ത് നിന്ന് കുമരേശനെയും പിടികൂടി, ഒരു ഷെഡിൽ ഒളിപ്പിച്ചിരുന്ന വിഗ്രഹവും ക്യാമറകളും കണ്ടെത്തി. പ്രതികളെ ദേവികുളം കോടതിയിൽ ഹാജരാക്കി റിമാൻഡ് ചെയ്തു.
English Summary:
Munnar: Two suspects involved in the theft of a panchaloha idol from the Vagavarai Kaliamman Temple in Munnar were arrested by Marayur police, even though they had stolen the temple’s CCTV cameras to cover their tracks. Police recovered a 21 kg idol worth ₹5 lakh and CCTV cameras worth ₹2,000. The main accused, L. Selvam (47) of Theni, stole the idol on the night of November 6, 2025, while R. Kumaresan (43) of Uthampalayam had purchased the stolen items.With no CCTV near the temple, police analyzed footage from passing buses, identifying Selvam from visuals showing him carrying a large bag. Acting on leads, the special squad nabbed Selvam from Pooppara and later arrested Kumaresan, recovering the idol and cameras hidden in a shed.Both were produced before the Devikulam court and remanded.
munnar-panchaloha-idol-theft-culprits-arrested
മൂന്നാർ, പഞ്ചലോഹ വിഗ്രഹം, ക്ഷേത്ര മോഷണം, പോലീസ് അന്വേഷണം, ഇടുക്കി, മറയൂർ, ക്രൈം ന്യൂസ്,
