മകൻ മൺവെട്ടികൊണ്ട് അമ്മയെ തലയ്ക്കടിച്ച് കൊന്നു, തടയാനെത്തിയ സഹോദരനും പരിക്ക്; പ്രതി കസ്റ്റഡിയിൽ

കാസർഗോഡ്: അമ്മയെ മകന്‍ മണ്‍വെട്ടികൊണ്ട് തലയ്ക്കടിച്ച് കൊലപ്പെടുത്തി. കാസർഗോഡ് പൊവ്വാല്‍ ബെഞ്ച് കോര്‍ട്ട് സ്വദേശി അബ്ദുല്ലക്കുഞ്ഞിയുടെ ഭാര്യ നബീസ(60) ആണ് കൊല്ലപ്പെട്ടത്. മര്‍ദനം തടയാന്‍ ശ്രമിച്ച മറ്റൊരു മകന്‍ മജീദിനും പരിക്കേറ്റു.(Mother was killed by son; accused in custody)

സംഭവത്തിൽ പ്രതി നാസര്‍(41)നെ ആദൂര്‍ പൊലീസ് കസ്റ്റഡിയിലെടുത്തു. ഇന്ന് വൈകുന്നേരം നാലു മണിയോടെയാണ് സംഭവം. പ്രതി മാനസിക പ്രശ്‌നമുള്ള ആളെന്ന് പൊലീസ് പറഞ്ഞു. പരിക്കേറ്റ മജീദ് ചെങ്കളയിലെ സഹകരണ ആശുപത്രിയില്‍ ചികിത്സയിലാണ്.