കോഴിക്കോട്: രണ്ടു ദിവസം മുൻപ് മലപ്പുറത്ത് നിന്ന കാണാതായ തിരൂര് ഡെപ്യൂട്ടി തഹസില്ദാര് പി ബി ചാലിബ് വീട്ടിലെത്തി. അര്ധരാത്രിയോടെയാണ് ചാലിബ് തിരികെ വന്നത്. മാനസിക പ്രയാസം മൂലമാണ് നാടുവിട്ടതെന്നാണ് ചാലിബിന്റെ പ്രതികരണം.(Missing Tirur Deputy Tehsildar returns home)
ഓഫീസിൽ നിന്ന് ഇറങ്ങിയ ചാലിബിനെ കാണാനില്ലെന്ന് കാണിച്ച് ബന്ധുക്കള് കഴിഞ്ഞ ദിവസം തിരൂര് പൊലീസില് പരാതി നല്കിയിരുന്നു. എന്നാൽ അന്വേഷണം നടക്കുന്നതിനിടെ ചാലിബ് വീട്ടിലേക്ക് വിളിച്ച് സംസാരിച്ചിരുന്നു. ഇതിന് പിന്നാലെയാണ് വീട്ടില് മടങ്ങിയെത്തിയത്.
മാനസിക പ്രയാസത്തിലാണ് നാടു വിട്ടതെന്നും വീട്ടിലേക്ക് തിരിച്ചു വരുമെന്നും ചാലിബ് ഭാര്യയോട് പറഞ്ഞതായാണ് ബന്ധുക്കള് പ്രതികരിച്ചത്. ഒറ്റയ്ക്കാണ് ഉള്ളതെന്നും കൂടെ ആരും ഇല്ലെന്നുമാണ് ചാലിബ് വീട്ടുകാരോട് പറഞ്ഞിരുന്നത്. ചാലിബിനെ കാണാതായതിന് ശേഷം മൊബൈല് ടവര് ലൊക്കേഷന് ആദ്യം കോഴിക്കോട്ടും പിന്നീട് ഉഡുപ്പിയിലുമാണ് കാണിച്ചത്.
പ്രൊഡ്യൂസേഴ്സ് അസോസിയേഷനിൽ നിന്ന് പുറത്താക്കിയ സംഭവം; കോടതിയെ സമീപിച്ച് സാന്ദ്ര തോമസ്
