കോളജിലേക്ക് പോയ വിദ്യാർത്ഥിനി… തിരികെ വന്നില്ല;എംബിഎ വിദ്യാർഥിനിയുടെ മൃതദേഹം തോട്ടിൽ കണ്ടെത്തി
തൃശൂർ: അവണൂർ പ്രദേശത്ത് എംബിഎ വിദ്യാർഥിനിയുടെ മൃതദേഹം തോട്ടിൽ കണ്ടെത്തിയ സംഭവം ദുഃഖം പരത്തുന്നു. അവണൂർ സ്വദേശിനിയായ അനുപ്രിയ (25)യുടെ മൃതദേഹമാണ് മണലിത്തറ തോട്ടിൽ നിന്ന് കണ്ടെത്തിയത്.
തൃശൂർ അരുണാട്ടുകരയിലെ ജോൺ മത്തായി സെന്ററിൽ എംബിഎ രണ്ടാം വർഷ വിദ്യാർഥിനിയായിരുന്നു അനുപ്രിയ. ഇന്നലെ രാവിലെ വീട്ടിൽ നിന്ന് കോളജിലേക്ക് പോയതായിരുന്നു. എന്നാൽ വൈകീട്ട് വീട്ടിൽ തിരിച്ചെത്താത്തതിനെ തുടർന്ന് ബന്ധുക്കൾ പൊലീസിൽ പരാതി നൽകിയിരുന്നു.
തുടർന്ന് നടത്തിയ തെരച്ചിലിനിടെയാണ് ഇന്നലെ ഉച്ചയ്ക്ക് ശേഷമാണ് മൃതദേഹം തോട്ടിൽ കണ്ടെത്തിയത്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.
മരണകാരണം സംബന്ധിച്ച് കൂടുതൽ വിവരങ്ങൾ ലഭ്യമായിട്ടില്ല. പോസ്റ്റ്മോർട്ടം റിപ്പോർട്ടിനായി കാത്തിരിക്കുകയാണ്.
English Summary
An MBA student, Anupriya (25), was found dead in a canal in Avanur, Thrissur. She had left home for college but did not return, prompting her family to file a missing complaint. Her body was later discovered in a nearby canal. Police have launched an investigation, and the exact cause of death is yet to be determined.
