ഇലക്ട്രിക് വയർ മൂത്രനാളിയിലേക്ക് കയറ്റി യുവാവ്
തിരുവനന്തപുരം: മൂത്രനാളിയിലൂടെ മൂന്ന് മീറ്ററോളം നീളമുള്ള ഇലക്ട്രിക് ഇൻസുലേഷൻ വയർ സ്വയം കുത്തിക്കയറ്റി യുവാവ്. വയർ തുറന്നുള്ള ശസ്ത്രക്രിയയിലൂടെയാണ് ഇലക്ട്രിക് വയർ പുറത്തെടുത്തത്.
തിരുവനന്തപുരം സ്വദേശിയായ 25കാരനാണ് ഇത്തരമൊരു സാഹസം ചെയ്തത്. വയർ മൂത്രസഞ്ചിയിൽ കുരുങ്ങിക്കിടക്കുന്ന നിലയിലായിരുന്നു യുവാവ് ആശുപത്രിയിലെത്തിയത്.
തുടർന്ന് തിരുവനന്തപുരം മെഡിക്കൽ കോളജ് ആശുപത്രി യൂറോളജി വിഭാഗത്തിൽ വയർ തുറന്ന് രണ്ടര മണിക്കൂറോളം നീണ്ട ശസ്ത്രക്രിയ വഴിയാണ് പല കഷ്ണങ്ങളായി മുറിച്ച് ഇലക്ട്രിക് വയർ പുറത്തെടുത്തത്.
ശസ്ത്രക്രിയ പൂർത്തിയായ ശേഷം തീവ്രപരിചരണ വിഭാഗത്തിൽ ചികിത്സയിൽ കഴിയുന്ന യുവാവ് സുഖം പ്രാപിച്ചു വരുന്നതായി ആശുപത്രി അധികൃതർ അറിയിച്ചു. എന്നാൽ യുവാവ് ഇതു ചെയ്തതിന്റെ കാരണം വ്യക്തമല്ലെന്നും അധികൃതർ പറഞ്ഞു.
യഥാസമയം ശസ്ത്രക്രിയ നടത്തി യുവാവിന്റെ ജീവൻ രക്ഷിച്ച ഡോക്ടർമാരെ ആരോഗ്യമന്ത്രി വീണാ ജോർജ് അഭിനന്ദിച്ചു.
യൂറോളജി വിഭാഗം പ്രൊഫസർ ഡോ പി ആർ സാജു, അസി. പ്രൊഫസർ ഡോ സുനിൽ അശോക്, സീനിയർ റസിഡന്റുമാരായ ഡോ ജിനേഷ്, ഡോ അബു അനിൽ ജോൺ, ഡോ ഹരികൃഷ്ണൻ, ഡോ ദേവിക, ഡോ ശില്പ, അനസ്തേഷ്യ വിഭാഗം അസി. പ്രൊഫസർ ഡോ അനീഷ്, സീനിയർ റസിഡന്റ് ഡോ ചിപ്പി എന്നിവരാണ് ശസ്ത്രക്രിയയ്ക്ക് നേതൃത്വം നൽകിയത്.
അസഹനീയമായ വയറുവേദന; യൂട്യൂബ് നോക്കി ശസ്ത്രക്രിയ നടത്തി യുവാവ്
അസഹനീയമായ വയറുവേദനയെ തുടർന്ന് യൂട്യൂബ് നോക്കി ശസ്ത്രക്രിയ നടത്തി യുവാവ്. ഉത്തർപ്രദേശിലെ സുൻരാഖ് ഗ്രാമത്തിലാണ് സംഭവം.
വൃദ്ധാവനിലെ 32 -കാരനായ രാജാ ബാബു എന്ന യുവാവാണ് യൂട്യൂബ് നോക്കി സ്വന്തമായി ശസ്ത്രക്രിയ നടത്തിയത്. ശേഷം 11 തുന്നലുകളോടെ യുവാവിനെ ബന്ധുക്കൾ ആശുപത്രിയിലെത്തിക്കുകയായിരുന്നു.
നാളുകളായി വയറുവേദന കൊണ്ട് ദുരിതം അനുഭവിക്കുകയാണ് രാജാ ബാബു. നിരവധി തവണ ആശുപത്രിയിൽ പോയി ചികിത്സകൾ നടത്തിയെങ്കിലും, അതൊന്നും തന്നെ ഫലം കണ്ടിരുന്നില്ല. ഇതേതുടർന്നാണ് യുവാവ് സ്വയം ചികിത്സയ്ക്ക് തയ്യാറായതെന്നാണ് ലഭിക്കുന്ന പ്രാഥമിക വിവരം.
വേദന സഹിക്കവയ്യാതെയുള്ള നിലവിളി കേട്ടെത്തിയ ബന്ധുക്കളാണ് യുവാവിനെ ജില്ലാ ജോയിൻറെ ഹോസ്പിറ്റലിൽ എത്തിച്ചത്.
അവിടെ നിന്നും പ്രാഥമിക ചികിത്സ നൽകിയ ശേഷം, തുടർ ചിത്സയ്ക്കായി യുവാവിനെ ആഗ്ര എസ്എൻ ആശുപത്രിയിലേക്ക് ഡോക്ടർമാർ റഫർ ചെയ്തു.
വയറ്റിൽ ശസ്ത്രക്രിയ ചെയ്യുന്നതെങ്ങനെയെന്ന് യൂട്യൂബിൽ തിരഞ്ഞ ശേഷം അദ്ദേഹം മെഡിക്കൽ സ്റ്റോറിലെത്തി ശസ്ത്രക്രിയയ്ക്ക് ആവശ്യമായ സർജിക്കൽ ബ്ലേഡും, അനസ്തീഷ്യയ്ക്കുള്ള മരുന്നും, സൂചികളും, തുന്നാന്നുള്ള നൂലുകളും വാങ്ങി ശസ്ത്രക്രിയ നടത്തുകയായിരുന്നു.
ആദ്യം മരപ്പിക്കുന്നതിനായുള്ള ഇഞ്ചക്ഷൻ എടുത്തു, പിന്നാലെ സർജിക്കൽ ബ്ലേഡ് ഉപയോഗിച്ച് വയറ് കീറിയ ശേഷം അത് തുന്നിക്കെട്ടുകയായിരുന്നു.
ശസ്ത്രക്രിയയ്ക്ക് ശേഷം അനസ്തേഷ്യയുടെ വീര്യം കുറഞ്ഞതോടെ വേദന സഹിക്കാൻ കഴിയാത്ത സ്ഥിതിയിലേക്ക് മാറി കാര്യങ്ങൾ.
തുടർന്ന് യുവാവിന്റെ നിലവിളി കേട്ട് ഓടിയെത്തിയ ബന്ധുക്കൾ അദ്ദേഹത്തെ ആശുപത്രിയിൽ എത്തിക്കുകയായിരുന്നു.
Summary: A shocking medical case where a man inserted a 3-meter-long electric insulation wire through his urethra. The wire was surgically removed through an open procedure.
