കോഴിക്കോട്: ദുബൈയില് വാഹനാപകടത്തില് മലയാളി യുവാവ് മരിച്ചു. കോഴിക്കോട് കൊയിലാണ്ടി സ്വദേശി വിരുന്നുകണ്ടി ഉണിച്ചോയിന്റെ പുരയില് വികെ അര്ജുന് പ്രമോദ്(23) ആണ് മരിച്ചത്.
ഫുജൈറയിലെ ദിബ്ബാ മോഡേണ് ബേക്കറിയില് ഡ്രൈവറായി ജോലി ചെയ്യുകയായിരുന്നു അര്ജുന്. കഴിഞ്ഞ ഏപ്രില് 28ന് റാസല്ഖൈമയിൽ വെച്ചുണ്ടായ വാഹനാപകടത്തില് പരിക്കേറ്റ് ഗുരുതരാവസ്ഥയിൽ ചികിത്സയിലിരിക്കെയാണ് അന്ത്യം സംഭവിച്ചത്.
ഒരു മാസം മുമ്പാണ് അര്ജുന് നാട്ടില് വന്ന് തിരികെ ദുബൈയിലേക്ക് മടങ്ങിയത്. അച്ഛന്: പ്രമോദ്. അമ്മ: ശോണിജ. സഹോദരന്: പ്രത്യുന് പ്രമോദ്.
കോഴിക്കോട് മെഡിക്കൽ കോളജിൽ തീപിടിത്തം
കോഴിക്കോട്: കോഴിക്കോട് മെഡിക്കൽ കോളേജിൽ തീപിടുത്തം. അത്യാഹിത വിഭാഗം കെട്ടിടത്തിലാണ് തീപിടുത്തം ഉണ്ടായത്. ഷോര്ട്ട് സര്ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം.
പുക കണ്ടയുടൻ ഐസിയുവിൽനിന്നും അത്യാഹിത വിഭാഗത്തിൽ നിന്നും രോഗികളെ മാറ്റി പാർപ്പിച്ചു. ആളപായമോ മറ്റ് അപകടങ്ങളോ രേഖപ്പെടുത്തിയിട്ടില്ല.
