പ്രതിസന്ധികൾക്കിടയിലും ജീവനക്കാരെ ചേർത്തുപിടിച്ച് കെഎസ്ആർടിസി; ദീർഘകാലമായി മുടങ്ങിക്കിടന്ന സ്ഥാനക്കയറ്റങ്ങൾ പുനരാരംഭിക്കുന്നു

പ്രതിസന്ധികൾക്കിടയിലും ജീവനക്കാരെ ചേർത്തുപിടിച്ച് കെഎസ്ആർടിസി; ദീർഘകാലമായി മുടങ്ങിക്കിടന്ന സ്ഥാനക്കയറ്റങ്ങൾ പുനരാരംഭിക്കുന്നു

തിരുവനന്തപുരം: കെഎസ്ആർടിസി ജീവനക്കാർക്ക് വലിയ ആശ്വാസമായി സ്ഥാനക്കയറ്റവുമായി ബന്ധപ്പെട്ട നിർണായക പ്രഖ്യാപനം.

കോർപ്പറേഷനിലെ എല്ലാ തസ്തികകളിലും അർഹരായ ജീവനക്കാർക്ക് പ്രമോഷൻ നൽകുമെന്ന് ഗതാഗതമന്ത്രി കെ.ബി. ഗണേഷ്കുമാർ അറിയിച്ചു.

സാമ്പത്തിക ബാധ്യത ഉണ്ടായാലും സ്ഥാനക്കയറ്റം നടപ്പാക്കുന്നതിൽ സർക്കാർ പിന്നോട്ടില്ലെന്നും അദ്ദേഹം വ്യക്തമാക്കി.

ടെക്നിക്കൽ വിഭാഗങ്ങൾ ഉൾപ്പെടെ എല്ലാ വിഭാഗങ്ങളിലും പ്രമോഷൻ നടപ്പാക്കുമെന്നും, വർഷങ്ങളായി സ്ഥാനക്കയറ്റം നിൽക്കുന്നതിനെ തുടർന്ന് ജീവനക്കാരിൽ ഉണ്ടായ അസന്തോഷം പരിഹരിക്കുകയാണ് ലക്ഷ്യമെന്നും മന്ത്രി പറഞ്ഞു.

കോർപ്പറേഷന്റെ സാമ്പത്തിക പ്രതിസന്ധി പരിഗണിച്ചും പ്രമോഷൻ നീട്ടിവയ്ക്കില്ലെന്നും, അർഹതയും സേവനപരിചയവും അടിസ്ഥാനമാക്കി തീരുമാനങ്ങൾ ഉണ്ടാകുമെന്നും അദ്ദേഹം കൂട്ടിച്ചേർത്തു.

ഈ തീരുമാനത്തോടെ ജീവനക്കാരുടെ ആത്മവിശ്വാസം വർധിക്കാനും കെഎസ്ആർടിസിയുടെ പ്രവർത്തനക്ഷമത മെച്ചപ്പെടാനും സഹായിക്കുമെന്നാണ് വിലയിരുത്തൽ. പ്രമോഷനുമായി ബന്ധപ്പെട്ട വിശദമായ മാർഗനിർദേശങ്ങൾ ഉടൻ പുറത്തിറങ്ങുമെന്നും മന്ത്രി അറിയിച്ചു.

English Summary:

Kerala Transport Minister K.B. Ganesh Kumar announced that eligible KSRTC employees in all categories will receive promotions despite financial constraints. The move aims to address long-standing dissatisfaction among staff and improve the corporation’s efficiency. Detailed guidelines will be issued soon.

ksrtc-promotion-announcement-ganesh-kumar

KSRTC, Promotion, Ganesh Kumar, Kerala Transport, KSRTC Employees, Government Decision