കെഎസ്ആർടിസി ബസ്സും ടാങ്കറും കൂട്ടിയിടിച്ച് അപകടം; കാബിൻ വെട്ടിപ്പൊളിച്ച് ഡ്രൈവറെ രക്ഷപ്പെടുത്തി
തൃശൂർ: കുന്നംകുളത്ത് കെഎസ്ആർടിസി സൂപ്പർ ഡീലക്സ് ബസ്സും ടാങ്കർ ലോറിയും കൂട്ടിയിടിച്ച് അപകടം. ടാങ്കർ ലോറി ഡ്രൈവറെ കാബിൻ വെട്ടിപ്പൊളിച്ചാണ് രക്ഷപ്പെടുത്തിയത്.
മലപ്പുറം മൊറയൂർ സ്വദേശിയായ ഷൗക്കത്തിനാണ് (53) ആണ് പരിക്കേറ്റത്. കാബിനിൽ കാൽ കുടുങ്ങിയതിനെ തുടർന്ന് ഇരുകാലുകൾക്കും പരിക്കേറ്റെങ്കിലും അവസ്ഥ ഗുരുതരമല്ല. അപകടം കുന്നംകുളം പഴയ ബസ് സ്റ്റാൻഡിന് മുന്നിലാണ് നടന്നത്.
അപകട കാരണം
തൃശൂരിൽ നിന്ന് കോഴിക്കോട് ഭാഗത്തേക്ക് പോകുകയായിരുന്ന ബസും, കോഴിക്കോട് ഭാഗത്ത് നിന്ന് തിരുവനന്തപുരം ഭാഗത്തേക്ക് പോയ ടാങ്കർ ലോറിയുമാണ് കൂട്ടിയിടിച്ചത്.
ബസിന് മുന്നിലെ കാറിൽ ഇടിക്കാതിരിക്കാൻ ഡ്രൈവർ വെട്ടിച്ചപ്പോൾ നിയന്ത്രണം നഷ്ടപ്പെട്ട് എതിർദിശയിൽ വന്ന ലോറിയിൽ ഇടിക്കുകയായിരുന്നു.
ഖുശ്ബുവിന്റെ മകൾ അവന്തികയുടെ മലയാള അരങ്ങേറ്റം; ‘ആരംഭം’ ഷൂട്ടിംഗ് പൂർത്തിയായി
കാബിനിൽ കുടുങ്ങി; സാഹസിക രക്ഷാപ്രവർത്തനം
ഇടിയുടെ ആഘാതത്തിൽ ടാങ്കറിന്റെ മുൻവശം പൂർണ്ണമായും തകർന്നു. ഡ്രൈവർ ഏകദേശം ഒരു മണിക്കൂറോളം കാബിനിൽ കുടുങ്ങി കിടന്നു.
തുടർന്ന് സ്ഥലത്തെത്തിയ ഫയർഫോഴ്സ് സംഘം ഹൈഡ്രോളിക് കട്ടർ ഉപയോഗിച്ച് കാബിൻ മുറിച്ചുമാറ്റിയാണ് രക്ഷപ്പെടുത്തിയത്.
പുലർച്ചെ ഉണ്ടായ അപകടത്തെ തുടർന്ന് പ്രദേശത്ത് ഗതാഗതം ഏറെ നേരം തടസ്സപ്പെട്ടു. പൊലീസ് സ്ഥലത്തെത്തി വാഹനങ്ങൾ നീക്കം ചെയ്ത് ഗതാഗതം പുനഃസ്ഥാപിച്ചു.
അത്ഭുത രക്ഷ
ടാങ്കർ ലോറി ഡ്രൈവർ ബ്രേക്ക് അടിച്ചതിനെ തുടർന്ന് സീറ്റിൽ നിന്ന് മാറിയതാണ് ജീവൻ രക്ഷിക്കാൻ കാരണമായത്. അപകടത്തിന്റെ ഞെട്ടലിൽ നിന്ന് ഇനിയും ഡ്രൈവർ മുക്തനായിട്ടില്ല.
English Summary:
A KSRTC bus collided with a tanker lorry in Kunnamkulam, causing severe damage to the front portion of the lorry and partially damaging the bus. The impact trapped the lorry driver inside the crushed cabin for nearly an hour. Fire force personnel then carried out a rescue operation using hydraulic equipment to cut open the cabin and safely free him. The driver sustained injuries but escaped serious harm, while the accident also led to temporary traffic disruption in the area.
