നാളെ മുതൽ കേരളത്തിലെ കാലാവസ്ഥ മാറും
തിരുവനന്തപുരം: സംസ്ഥാനത്ത് ഇന്നും നാളെയും ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിലും നാളെ തിരുവനന്തപുരം, കൊല്ലം, ആലപ്പുഴ ജില്ലകളിലുമാണ് മഞ്ഞ അലർട്ട് പ്രഖ്യാപിച്ചിരിക്കുന്നത്.
ഒറ്റപ്പെട്ട ശക്തമായ മഴയ്ക്കാണ് പ്രവചനം. 24 മണിക്കൂറിനിടെ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കാവുന്ന സാഹചര്യമാണിത്.
ജാഗ്രതാ നിർദേശങ്ങൾ:
ഇടിമിന്നൽ മനുഷ്യനും മൃഗങ്ങൾക്കും അപകടകാരിയാണ്. വൈദ്യുതോപകരണങ്ങൾക്കും ആശയവിനിമയ ശൃംഖലകൾക്കും നാശനഷ്ടം സംഭവിക്കാം.
കാർമേഘം കാണുന്നയുടൻ സുരക്ഷിതമായ കെട്ടിടത്തിനകത്ത് പ്രവേശിക്കുക.
തുറസായ സ്ഥലങ്ങളിൽ നിൽക്കരുത്, വൃക്ഷങ്ങളുടെ ചുവട്ടിൽ അഭയം തേടരുത്.
കാറ്റും ഇടിമിന്നലും ശക്തമായിരിക്കുമ്പോൾ ജനലുകളും വാതിലുകളും അടച്ചിടുക.
വൈദ്യുതോപകരണങ്ങളുടെ കണക്ഷൻ വിച്ഛേദിക്കുക. ഇടിമിന്നലുള്ള സമയത്ത് ടെലിഫോൺ ഉപയോഗിക്കുന്നത് ഒഴിവാക്കുക, എന്നാൽ മൊബൈൽ ഫോൺ സുരക്ഷിതമാണ്.
മഴക്കാറ് കണ്ടാൽ ടെറസിലേക്കോ മുറ്റത്തേക്കോ പോകരുത്.
കുളിക്കുന്നത്, ടാപ്പിൽ നിന്ന് വെള്ളം എടുക്കുന്നത് എന്നിവ ഒഴിവാക്കുക.
മീൻപിടിത്തം, ബോട്ടിങ്, പട്ടം പറത്തൽ എന്നിവ ഇടിമിന്നലിനിടെ ചെയ്യരുത്.
വാഹനത്തിനകത്ത് തന്നെ തുടരുക; സൈക്കിൾ, ബൈക്ക്, ട്രാക്ടർ യാത്രകൾ ഒഴിവാക്കണം.
English Summary:
The India Meteorological Department (IMD) has forecast isolated thunderstorms with lightning and rain in Kerala for the next two days. A yellow alert has been issued for Thiruvananthapuram, Kollam, Pathanamthitta, and Alappuzha districts today, and for Thiruvananthapuram, Kollam, and Alappuzha tomorrow. The department warns of heavy rainfall ranging from 64.5 mm to 115.5 mm in 24 hours.
Authorities have urged people to stay indoors during thunderstorms, disconnect electrical appliances, avoid open spaces, trees, water bodies, and metal objects. Outdoor activities like fishing, boating, and kite flying should be stopped immediately when thunderclouds appear.
Kerala Thunderstorm Alert – IMD Issues Yellow Warning
Kerala weather, IMD alert, thunderstorm, lightning, yellow alert, rain warning, safety guidelines
