ക്ഷേമ പെൻഷൻ 25 മുതൽ! 62 ലക്ഷം പേർക്ക് 2,000 രൂപ വീതം ലഭിക്കും; തുക അനുവദിച്ചു
തിരുവനന്തപുരം: ഈ മാസത്തെ സാമൂഹ്യസുരക്ഷ, ക്ഷേമനിധി പെൻഷനുകൾ ഫെബ്രുവരി 25 മുതൽ വിതരണം ചെയ്യുമെന്ന് ധനമന്ത്രി കെ എൻ ബാലഗോപാൽ അറിയിച്ചു. ഇതിനായി സംസ്ഥാന സർക്കാർ 1,050 കോടി രൂപ അനുവദിച്ചിട്ടുണ്ട്.
ഏകദേശം 62 ലക്ഷം ഗുണഭോക്താക്കൾക്ക് 2,000 രൂപ വീതമാണ് പെൻഷൻ ലഭിക്കുക. ഇതിൽ 26.62 ലക്ഷം പേരുടെ ബാങ്ക് അക്കൗണ്ടുകളിലേക്ക് പെൻഷൻ തുക നേരിട്ട് ക്രെഡിറ്റ് ചെയ്യും.
മറ്റ് ഗുണഭോക്താക്കൾക്ക് സഹകരണ ബാങ്കുകൾ മുഖേന വീട്ടിലെത്തി തുക കൈമാറുമെന്നും മന്ത്രി അറിയിച്ചു.
ക്ഷേമനിധി അംഗങ്ങൾക്കുള്ള പെൻഷൻ അതത് ബോർഡുകൾ വഴിയാണ് വിതരണം ചെയ്യുക.
അതേസമയം, 8.46 ലക്ഷം പേർക്ക് ലഭിക്കേണ്ട ദേശീയ പെൻഷൻ പദ്ധതിയിലെ കേന്ദ്ര വിഹിതം വൈകുന്നതിനാൽ, കേന്ദ്ര വിഹിതമായി വരുന്ന 24.21 കോടി രൂപ സംസ്ഥാന സർക്കാർ മുൻകൂർ ആയി അനുവദിച്ചിട്ടുണ്ട്.
ഈ തുക കേന്ദ്ര സർക്കാരിന്റെ Public Financial Management System (PFMS) സംവിധാനം വഴി ഗുണഭോക്താക്കളുടെ ബാങ്ക് അക്കൗണ്ടുകളിലേക്ക് ക്രെഡിറ്റ് ചെയ്യുമെന്ന് ധനമന്ത്രി വ്യക്തമാക്കി.
English Summary
The Kerala government will begin distributing social security and welfare fund pensions from February 25. A total of ₹1,050 crore has been allocated, and around 62 lakh beneficiaries will receive ₹2,000 each. Bank transfers and doorstep delivery through cooperative banks will be arranged. The state has also advanced the central share for national pension beneficiaries due to delays from the Centre.
kerala-social-security-pension-distribution-february-25
Kerala pensions, social security pension, welfare fund pension, K N Balagopal, Thiruvananthapuram, PFMS, cooperative banks, Kerala government news
