കൊച്ചി: സംസ്ഥാനത്തെ സ്വര്ണവിലയില് ഇന്നും വന് വര്ധന. ഒരു പവന് സ്വര്ണത്തിന് ഇന്ന് 600 രൂപയാണ് കൂട്ടിയിരിക്കുന്നത്. ഇതോടെ സ്വര്ണവില സര്വകാല റെക്കോര്ഡായ 98,800 രൂപയിലെത്തി.
ഒരു ഗ്രാം സ്വര്ണത്തിന് 75 രൂപ വര്ധിച്ച് ഇന്നത്തെ വില 12,350 രൂപയായി. 18 കാരറ്റ് സ്വര്ണവിലയും ഉയര്ന്നു. ഗ്രാമിന് 60 രൂപ കൂട്ടിയതോടെ 18 കാരറ്റ് സ്വര്ണത്തിന്റെ ഒരു ഗ്രാം വില 10,215 രൂപയായി.
ഡോളറിനെതിരെ ഇന്ത്യന് രൂപയുടെ മൂല്യം റെക്കോര്ഡ് താഴ്ചയിലെത്തിയതും യുഎസ് കേന്ദ്രബാങ്കായ ഫെഡറല് റിസര്വ് അടിസ്ഥാന പലിശനിരക്ക് കുറച്ചതുമാണ് സ്വര്ണവില കുതിക്കാന് പ്രധാന കാരണങ്ങളായി വിലയിരുത്തപ്പെടുന്നത്.
രാജ്യാന്തര വിപണിയില് ഇന്ന് ഔണ്സിന് 26 ഡോളറാണ് സ്വര്ണവില ഉയര്ന്നത്. ഇതോടെ ഒരു ഔണ്സ് സ്വര്ണത്തിന്റെ വില 4,326 ഡോളറായി.
ഒരു പവന് സ്വര്ണത്തിന് ഒരു ലക്ഷം രൂപ എന്ന നാഴികക്കല്ല് എപ്പോള് കടക്കുമെന്നതാണ് ഇപ്പോള് സംസ്ഥാനത്ത് ചര്ച്ചയാകുന്നത്.
പണിക്കൂലി ഉള്പ്പെടെ കണക്കാക്കുമ്പോള് ചില വിപണികളില് സ്വര്ണത്തിന്റെ വില ഇതിനകം തന്നെ ഒരു ലക്ഷം രൂപ പിന്നിട്ടിരിക്കുകയാണ്.
അതേസമയം സംസ്ഥാനത്ത് വെള്ളിയുടെ വിലയില് ഇന്ന് മാറ്റമില്ല. ഗ്രാമിന് 200 രൂപ എന്ന നിലയിലാണ് വെള്ളിയുടെ വ്യാപാരം തുടരുന്നത്.
English Summary
Gold prices in Kerala continued their upward trend today, rising by ₹600 per sovereign to reach an all-time high of ₹98,800. The price of gold increased by ₹75 per gram to ₹12,350, while 18-carat gold rose by ₹60 per gram to ₹10,215. The surge is attributed to the Indian rupee hitting record lows against the US dollar and the US Federal Reserve cutting interest rates. In the international market, gold rose by $26 per ounce to $4,326. Silver prices in the state remained unchanged at ₹200 per gram.
kerala-gold-price-record-high-98800
gold price, kerala gold rate, gold price hike, bullion market, indian rupee, international gold price, silver rate
